Myndir

Birt 19. janúar, 2018

• Skóli hefst aftur mánudaginn 8. Janúar kl. 9:10.
• Heimavistir og húsnæði skólans opna sunnudaginn 7. Janúar nk. kl. 14:00.
• Ef fólk þarf að vera fyrr á ferðinni á sunnudaginn er það beðið um að láta vita með því að senda tölvupóst á netfangið si.ragual@ragual
  
• Það verður kvöldmatur á sunnudaginn í mötuneyti 7. janúar.

Birt 14. desember, 2017

Þann 7. desember síðastliðinn tóku nemendur og starfsmenn Framhaldsskólans á Laugum þátt í bréfamaraþoni Amnesty International. Málefnin voru tíu talsins að þessu sinni og skrifuðu þátttakendur okkar rúmlega 800 bréf til stuðnings ýmsum málefnum til að mótmæla mannréttindabrotum sem eiga sér stað víðs vegar um heiminn. Góður andi ríkti og fengu þátttakendur smákökur og konfekt.

Birt 7. desember, 2017

Í gærkveldi var svokallað föndurkvöld sem Freydís Anna Arngrímsdóttir kennari, hafði veg og vanda af. Nemendur jafnt sem starfsmenn tóku þátt og má sjá á meðfylgjandi myndum fallega muni sem litu dagsins ljós.

Birt 29. nóvember, 2017

Það var fallegt í morgun, að líta til suðurs út um glugga á kaffistofu starfsmanna.

Birt 1. nóvember, 2017

Fyrsti snjór vetrarins á Laugum féll sl. nótt og fagurt um litast í morgun.

Að ofan, tjörnin í dag 1. nóvember.

Að ofan, tjörnin í gær 30. október

Birt 12. október, 2017

Síðastliðinn fimmtudag breyttu nemendur og starfsmenn skólans út af hefðbundinni dagskrá og skelltu í eina dansæfingu í síðasta tíma fyrir mat. Æfðir voru nokkrir af gömlu dönsunum ásamt hópdönsum og línudansi. Eins og sjá má af meðfylgjandi mynd tóku nemendur og starfsfólk vel á því og skemmtu sér ljómandi vel.