Tölvuleiðbeiningar

Birt 26. ágúst, 2026

Hér eru leiðbeiningar fyrir nemendur, um notkun tölvukerfis skólans.

Fyrst af öllu er að fá úthlutaðan aðgang að tölvukerfinu.
Það er gert með því að hitta ritara skólans á skrifstofu hans, hringja í ritarann í síma 4646300 eða senda póst á netfangið si.ragual@iratir
Kerfisstjóri endursetur lykilorð en fólk þarf að hringja í aðalnúmer skólans 4646300 eða mæta á skrifstofu kerfisstjóra til þess.

Nemendur í Framhaldsskólanum á Laugum þurfa helst að eiga fartölvu.
Skólinn á fartölvur til að lána nemendum sem eiga ekki kost á að eignast fartölvu. Um er að ræða takmarkaðan fjölda af tölvum, og gildir þá reglan „fyrstur kemur, fyrstur fær“.

  • Windows (PC) tölvur eru heppilegastar hvað varðar samhæfni við upplýsingatækni skólans.
  • Chromebook tölvur hafa þá ókost að það er ekki hægt að setja upp á þeim officepakka, og ekki hægt að prenta út úr þeim hér.

Þráðlausa netið/Wifi.
Við höfum lagt áherslu á gott þráðlaust net á herbergjum sem og öðrum rýmum skólans. Ekki er hægt að reikna með að hægt sé að snúrutengjast við net. 
3 þráðlaus net birtast á skólasvæðinu:
„Framhaldsskólinn á Laugum“ er læst með lykilorði, dulkóðað, og ætlað nemendum til náms. Lykilorð inn á þráðlausa netið færst uppgefið hjá ritara og kerfisstjóra.
„Laugar“ er opið fyrir almenning. Það er takmarkaður hraði á þessu opna þráðlausa neti, og engin dulkóðun. 
„Laugar-Starfsmenn“ er læst og óheimilt með öllu fyrir aðra en starfsmenn að tengjast því.

Microsoft Teams.
Microsoft Teams heldur utan námið ásamt upplýsingastreymi stofnunarinnar. Þar eru spjallþræðir og sameiginlegar skjalageymslur svo og sameiginleg dagatöl.
Námið fer í flestum tilfellum í gegnum Microsoft Teams. 
Hér er hægt að hala niður forritinu Microsoft Teams: Download Teams Desktop and Mobile Apps | Microsoft Teams en fyrir síma finnur maður Microsoft Teams í Play Store og App store
Microsoft Teams er í boði fyrir tölvur og síma. Það er áríðandi að nemendur setji þetta forrit upp hjá sér bæði í tölvur og síma, hafi þeir undir höndum slíkan búnað.

Hér að neðan er skjáskot úr Teams. Takið vel eftir þessum valmöguleikum; Class Notebook, Verkefni/Assignments og Einkunnir/Grades.
Í valmöguleikanum Verkefni/Assignments fara fram verkefnaskil.

Útlit Teams

  • Class Notebook eru allar upplýsingar, verkefnalýsingar áfangans.
  • Verkefni/Assignments er til að komast í verkefni áfangs og fyrir verkefnaskil.
  • Einkunnir/Grades eru einkunnabók áfangans.
  • Tungumálastillingar í tölvu nemanda stjórna því hvort Teams birtist á íslensku eða ensku.

Office forritin Word, Excel, Powerpoint, Oulook og Teams eru mest notuðu forritin í skólanum. Þú hefur aðgang að þessum forritum þér að kostnaðarlausu meðan þú ert við nám við skólann.
Yfirleitt koma Windows tölvur með þessum forritum uppsettum. Við köllum það stundum „Officepakka“, og hvert forrit, líkt og Teams, Word og Excel eru ýmist kölluð „forrit“ eða „app“.
Til að þessi forrit virki rétt, er nauðsynlegt að skrá sig inn (Sign in) í þau í tölvunni með skólanetfanginu, og skrá sig út af öðrum aðgöngum.

Office sign-in leiðbeiningar

Ef Office forritin eru ekki í tölvunni, er hægt að fara inn á þessa slóð https://www.office.com/apps til að sækja þau:

Sækja office forrit

Office forritin, Word, Teams, Excel ofl. virka einnig mjög vel í vefútgáfum (online útgáfum) sem þýðir að ekki er nauðsynlegt að setja þau upp í tölvu, en það er æskilegt þar sem vefútgáfurnar virka eingöngu ef internet er til staðar.
Hér eru slóðir á vefútgáfurnar:

„Onedrive“ 
Onedrive er skjalavistunarkerfi starfsmanna og nemenda skólans. Þar vistast verkefni í námi (Teams) og vinnuskjöl (td. Wordskjöl í Onedrive). Einnig tölvupósturinn (Outlook).
Skólinn vistar semsagt gögn og tölvupóst í „skýi“ erlendis í gegnum þjónustu hjá Microsoft.
Sú þjónusta er kölluð Microsoft 365 og í daglegu tali nefnt „skýið“. Slóðin inn á skýið í heild sinni er https://www.office.com/ Þar kemst þú í gögnin þín. 

„MFA“ Fjölþátta auðkenning fyrir innskráningu.
Hér eru leiðbeiningar fyrir fjölþátta auðkenningu (Multifactor Authentication)
Fjölþátta auðkenning er skilyrt, semsagt ekki er hægt að skrá sig inn í td. Teams og Office án þess að staðfesta innskráninga annaðhvort með sms kóða eða appinu Microsoft Authenticator. Sjá leiðbeiningar

„Upplýsingaskjárinn í Gamla skóla“
Í Gamla skóla er skjár sem þar sem birtar eru tilkynningar og auglýsingar, svo og matseðill mötuneytis.
Hægt er að setja app í síma og spjaldtölvur til að sjá skjáinn hvaðan sem er.
Appið heitir Pintomind Go, og er fáanlegt í App store og Playstore fyrir síma og spjöld. Sérstakan kóða þarf til að tengjast við skjáinn og fæst sá kóði hjá ritara og/eða kerfisstjóra skólans. 

Inna.is
Auðveldast er að hafa aðgang að Innu með rafrænum skilríkjum eða Íslykili. Til að skrá sig inn á Innu með Íslykli er farið á eftirfarandi slóð: https://innskraning.island.is/?id=r.inna.is Ef notandi á ekki Íslykil, smellir hann á „Mig vantar íslykil“ á síðunni.

Malstadur.is (Snara og Málfríður).
Til að komast inn á Málstað og nota Málfríði og Snöru er nauðsynlegt að nýskrá sig með skólanetfanginu @laugar.is. Nýskráning fer fram á www.malstadur.is. Farið er á forsíðu Málstaðar, niður í vinstra hornið og smellt á „Nýskráning“ og valið „halda áfram með Microsoft). Þá opnast Snara og Málfríður.“

Internettenging skólans er 2Gbit/s ljósleiðaratengingu sem er ætluð til náms. Mikilvægt er að þú kynnir þér tölvureglur skólans neðst á eftirfarandi vefsíðu: Reglur
Við verðum að reyna eftir fremsta megni að stilla niðurhali í hóf svo netkerfi skólans sé í stakk búið til að virka til náms.

Bittorrent tæknin (td. uTorrent) er ekki leyfð þar sem slíkt veldur of miklu álagi á netbúnaðinn.
Til að tryggja skilvikrni netkerfis skólans eru eldveggir til staðar sem geta haft hamlandi áhrif á ákveðnar netþjónustur. Ekki má nota nettengingu skólans til að hlaða niður ólöglegu efni, td. höfundarvörðu efni td. í gegnum VPN frá erlendum streymisþjónustum. (sjá Reglur)
VPN clientar hafa valdið töluverðum vandamálum hjá notendum og nauðsynlegt að ekki séu virkar VPN tengingar hjá notendum á sama tíma og þeir skrá sig inn í tölvukerfi skólans.

Canva
Nemendum skólans stendur til boða frír aðgangur að Canva Premium; https://www.canva.com/education/.
Smellið hér fyrir leiðbeiningar (innskráningar krafist): 

Prentarar.

Eingöngu er heimilt að nota prentarana til náms. Vinsamlegast gerðu kerfisstjóra eða ritara viðvart ef prentari er pappírslaus eða aðrar villumeldingar hamla prentun.

Vírusvarnir.
Ég vil hvetja nemendur til að huga að vírusvörnum og persónuleg reynsla mín er mjög góð af vírsvörninni Malwarebytes. Slóðin er www.malwarebytes.org og einnig er frí vírusvörn í boði á http://avast.com

Ég hvet nemendur til að uppfæra tölvurnar sýnar reglulega og fylgjast með að uppfærslur séu inni.
Leiðbeiningar fyrir Apple hér: https://support.apple.com/en-us/108382

Til að fá hjálp við tölvumál, er best að hafa samband við mig með eftirfarandi leiðum:

  • Senda mér skilaboð á Microsoft Teams
  • Koma á skrifstofuna mína í Gamla skóla
  • Senda mér tölvupóst á si.ragual@nnitsirk

Ritari skólans úthlutar aðgöngum inn í tölvukerfið í upphafi annar, en þegar önnin er hafin er best að leita beint til kerfisstjóra með tölvumál.

Flest tölvuvandamáleru leyst með því að endurræsa tölvuna, þannig að það er yfirleitt best að byrja á því að endurræsa tölvuna áður en þú leitar aðstoðar með hana. Einnig er áríðandi að slökkva algerlega á tölvum á nóttunni (shut down), vegna þess að ef þær fara í dvala/svefn og ef ekki valið „shut down“, þá verða þær mjög hægar með tímanum.

Athugið að þegar nemandi hættir námi við skólann eða útskrifast, er aðgangi hans eytt, ásamt öllum gögnum (td. Onedrive) og tölvupósti.
Nemendur þurfa því að taka afrit af þeim gögnum í lok annar, sem þeir vilja eiga, áður en aðgöngum er eytt.

Frír aðgangur að hugbúnaði.
Fyrir utan Microsoft forrit eins og Teams, Word ofl., þá eru nemendur með aðgang að ýmsum öðrum hugbúnaði meðan þeir eru við nám við skólann. Þar ber að geta Autodesk forrita eins og 3dStudio Max, Autocad og Revit. Einnig er Canva frítt fyrir nemendur hér.

Kristinn Ingi Pétursson, kerfisstjóri
netfang: si.ragual@nnitsirk