Myndir

Skólabyrjun

Image

Birt 15. ágúst, 2022

Nú fer að líða að skólabyrjun en skólinn verður settur kl. 18:00 sunnudaginn 28. ágúst. Heimavistir opna kl. 13:00 þann dag. Við á Laugum eru orðin spennt fyrir að fá okkar gömlu nemendur aftur sem og að kynnast nýjum nemendum. Í þessari viku ættu allir nemendur að fá bréf í tölvupósti með helstu upplýsingum, t.a.m. það sem þeir þurfa að hafa með sér, þvottanúmer, herbergi og herbergisfélagi o.s.frv. Bókalisti mun koma hér inn á heimasíðuna (undir námið) fljótlega þar á eftir. Þar eru bækurnar sem notaðar eru í hverjum áfanga taldar upp undir áfangaheitinu (t.d. DANS2AT05) nema að bækur almennrar brautar eru taldar upp undir Almenn braut. Nemendur og foreldrar geta farið inn á Innu (inna.is) og skráð sig inn með rafrænum skilríkjum til að sjá hvað áfanga þeir eiga að taka núna í haust og útvega sér þá þær bækur sem eru taldar upp undir þeim áföngum á bókalistanum. Ef spurningar vakna má alltaf hringja í 464-6300 eða senda tölvupóst á si.ragual@ragual.

Hlökkum til að sjá ykkur og samstarfsins næsta vetur.

Dr. Sigurbjörn Árni Arngrímsson
Skólameistari

Nýr áfangi í íslensku slær í gegn

Image

Birt 18. nóvember, 2021

 
 
Á degi íslenskrar tungu stóðu nemendur fyrir frábærri sýningu um Vesturferðir Íslendinga og vesturíslensku.Þetta er í annað sinn sem þessi íslenskuáfangi er kenndur við Framhaldsskólann á Laugum.Námið byggir á miklum lestri um Vesturferðirnar á 19.öld, vesturíslensku, menningu og hefðum, tvítyngisstefnu, erfðamálum ásamt mörgu öðru, því af nógu er að taka.Þjóðræknisfélag Íslendinga veitti þessum áfanga styrk, við fengum bókagjafir frá nokkrum aðilum og Úlfar Bragason kom og hélt fyrirlestur um vesturíslensku.
 
Í áfanganum eru 28 nemendur og hafa verkefnin verið sniðin að þörfum og áhuga hvers og eins.Þar má helst nefna vínartertubakstur, útgáfu Vesturblaðsins, bók um reynsluheim kvenna, „Svo fóru þær vestur – Saga kvenna til Vesturheims“ sem byggir m.a. á upplýsingum frá Vesturfarasetrinu á Hofsósi, barnabók, tímaás, vesturíslensku og erfðamál, yfirlit um fólksflutninga frá ýmsum svæðum og svo mætti lengja telja.
Myndirnar tala sínu máli, eintóm gleði og sköpun

 

Ragna íslenskukennari fékk blóm að gjöf frá nemendum fyrir frábæran áfanga og skemmtilega kennslu sem allir voru yfir sig ánægðir með. 

Smelltu á myndina til þess að sjá hana stærri