Birt 3. október, 2017 Myrkra feluleikur í gamla skóla Eftir erfiðan en skemmtilegan dag komu grunnskólanemendurnir saman í gamla skóla þegar tilkynnt var hver hefði unnið í hverri keppni. Þar á eftir var farið í myrkra feluleik þar sem grunnskólanemendur og framhaldsskólanemendur tóku þátt. Allir skemmtu sér mjög vel og fóru kátir heim. (GHD)
Birt 13. október, 2017 Kristján kokkur hefur fengið aðstoð frá eiginkonu sinni, Eyþóri Darra , Eyþóri Alexander og Guðmanni við að vinna að flatbökuhlaðborði fyrir 170 gesti á grunnskólamótinu. Að sjálfsögðu standa Sigga og Sigrún vaktina með þeim.
Birt 29. september, 2017 Dagana 29. og 30. september stendur Íþróttafræðibraut Framhaldsskólans á Laugum fyrir íþróttamóti í skólanum. Keppendur mótsins eru grunnskólanemar víðsvegar af landinu sem munu takast á í íþróttahúsinu. Keppnin sjálf mun vera í dag, föstudag þar sem keppt verður í hinum ýmsu greinum og munu vafalaust margir bíða spenntir eftir tilkynningu um úrslit keppnarinnar. Um kvöldið fara svangir krakkarnir svo í mat til Kristjáns kokks í Mötuneyti …Lestu áfram
Birt 26. september, 2017
Nemendur í Jarðfræði fóru í vettvangsferð með nemendum sama áfanga í Framhaldsskólanum á Húsavík þar sem hinn margfróði Gunnar Baldursson réði för. Veður var með eindæmum gott og höfðu nemendur gagn og gaman af. Farið var upp Hólasand upp í Mývatnssveit þar sem hin ýmsu fyrirbrigði voru skoðuð, t.d. Víti, Leirhnjúkur og Dimmuborgir.
Birt 26. september, 2017
Föstudaginn 22. september bauð Háskólinn á Akureyri útskriftarefnum Framhaldsskólans á Laugum, ásamt fleiri skólum, í háskólakynningu til Akureyrar. Þar voru góðar móttökur og skemmtilegar kynningar á þeim námsbrautum sem skólin hefur uppá að bjóða. Eftir kynningarnar var farið með nemendur í göngutúr um skólann og svo gátu þau skoðað nánar þær brautir sem þeim fannst áhugaverðastar. Eftir það fengu allir pizzur og gos áður en heim var haldið. Þetta var mjög skemmtileg heimsókn og fróðlegt fyrir nemendur að hlusta á háskólanemana lýsa því hvernig nám væri í boði og hvers vegna það nám sem þau voru í varð fyrir valinu.
