Metnaður – Trúmennska – Tillitssemi – Glaðlyndi
Birt 23. febrúar, 2018
22. febrúar sl. var haldin Morfís-æfing fyrir Morfís lið Laugaskóla. Þar mættu þau liði starfsmanna og var umræðuefnið fíkniefni. Starfsmenn voru meðmælendur en Morfísliðið voru andmælendur. Æfingin var í tilefni af því að Framhaldsskólinn á Laugum mætir Kvennó í Morfís á þriðjudaginn næsta og er spenningurinn mikill!
Birt 23. febrúar, 2018
Að störfum
Guðmundur Smári raungreinakennari hlaut styrk úr Orkurannsóknarsjóði Landsvirkjunar upp á kr. 345.000 nú á dögunum til að rannsaka smádýr í Laxá. Verkefnið snýst um að fylgjast með sveiflum yfir eitt ár í smádýralífi Laxár, það er gert með því að safna sýnum mánaðarlega og greina hvaða dýr finnast í þeim. Nemendur náttúrufræðibrautar koma til með að vera virkir þátttakendur í verkefninu og kynnast þannig hvernig rannsóknarvinna í líffræði fer fram, á stærri skala en hægt er að kenna í stökum áföngum. Þess er vert að geta að nánast einungis verkefni innan háskóla hljóta styrki úr þessum sjóði og er Framhaldsskólinn á Laugum eini framhaldsskóli landsins sem hlýtur styrk úr Orkurannsóknarsjóði Landsvirkjunar.
Birt 13. febrúar, 2018
Í dag fóru fjórir starfsmenn frá Laugum í heimsókn í framhaldsdeildina á Vopnafirði. Þar var spjallað við sveitastjórn, grunnskólanema og foreldra og var virkilega gaman að hitta allt þetta fólk sem var áhugasamt um skólann okkar og deildina sem rekin er á Vopnafirði.
