Author: Sólborg Matthíasdóttir

Nemendur og starfsfólk Framhaldsskólans á Laugum fara í páskaleyfi að loknum vinnudegi föstudaginn 26. mars. Skólinn og skrifstofur hans verða lokaðar í Dymbilvikunni og fram yfir páska.

Kennsla hefst aftur mánudaginn 12. apríl og heimavistir opna aftur sunnudaginn 11. apríl kl. 13:00 leyfi gildandi sóttvarnarreglur það. Nemendur og forráðamenn munu fá tölvupóst með nánari útskýringum og leiðbeiningum þegar ljóst verður hvaða sóttvarnarreglur gilda um skólastarf eftir páska. Alltaf er hægt senda póst á netfangið laugar@laugar.is og verður þeim svarað eins fljótt og auðið er. Ef málið þolir enga bið er fólki bent á að hringja í símanúmerið 848-3242. Við vonum að allir fari varlega, hugi að einstaklingsbundnum smitvörnum og njóti páskaleyfisins. Við hlökkum til að hitta ykkur aftur eftir páska.

Á haustönn 2020 var kenndur nýr áfangi í íslensku um Vesturferðir Íslendinga með áherslu á vesturíslensku, þar sem menning og tungumál vestra í Nýja Íslandi var aðalviðfangsefnið. Námið var mjög fjölbreytt og verkefnavinna skapandi. Góðum tengslum var komið á milli aðila í Kanada og nemenda hér á Laugum þar sem ýmiss konar efni barst okkur og má þar helst nefna heimsókn í New Iceland Heritage Museum með aðstoð netmiðla og upptökur frá Vestur-Íslendingum um æskuminningar forfeðra þeirra í nýju landi.

Í október sl. var svo ákveðið að baka vínartertuna, þjóðarrétt Vestur-Íslendinga, í nær 150 ár, sem vakti mikla lukku, sem greint var frá á vefsíðu Þjóðræknisfélags Íslendinga. Í samskiptum við Vestur-Íslendinga og Þjóðræknisfélag Íslendinga höfum við fengið lof fyrir áhuga á sögu Vestur-Íslendinga og það vakti einnig ánægju þegar okkur barst nú á dögum bréf frá Kanada með frétt sem birtist í Lögberg – Heimskringla um Vinartertuna og áfangann: Icelandic students learn about the emigration and vínarterta.  

Í uppbroti dagsins var boðið upp á að leika sér í snjónum. 

Þetta kunnu nemendur vel að meta eins og sjá má á meðfylgjandi myndum.

Alla morgna er nemendum boðið uppá uppbrot á skóladeginum. 

Það er óhætt að segja að þeir hafi skemmt sér vel eins og sjá má á eftirfarandi myndum þar sem þau renndu sér niður brekku og spiluðu Rugby.