Birt 9. október, 2023
Nemendur eru alls konar og eiga sér allir ólíkan uppruna og bakgrunn s.s. uppeldi, vini og hvaðan þeir koma. Laugaskóli er sóttur af nemendum hvaðan æfa að á landinu og einnig af nemendum sem eiga uppruna sinn að rekja til útlanda. Í haust eru 100 nemendur í fullu námi hér á staðnum og 116 allt í allt og viljum við komast að því hvaðan þessir nemendur koma og hvaðan mesta aðsóknin er. Niðurstöðurnar miðast út frá póstnúmerum lögheimilis hvers og eins og því teljast t.d. sveitir í kringum Húsavík með sem Húsavík.
Flestir nemendurnir hér í Laugaskóla koma frá Húsavík og frá sveitunum í kringum Húsavík en það eru 24 nemendur sem hafa skráð lögheimili á Húsavík. Fast á hælum Húsavíkur er Vopnafjörður en þaðan koma 22 nemendur. Það munar fremur mikið á milli tveggja efstu póstnúmeranna og þriðja hæsta póstnúmersins í aðsókn er frá Akureyri koma 12 nemendur, sem er helmingi færri en þeir sem koma frá Húsavík. Það sést á grafinu hér að neðan að mesta aðsóknin er úr bæjarfélögum í grennd við skólann en hins vegar er einnig góð aðsókn að austan og af Suðvesturhorninu svo sem frá Reykjavík og Reykjanesinu. Hér fyrir neðan má sjá niðurstöðurnar í formi súlurits.
Nemendur: Emma Ýr Kristjönudóttir og Jónatan Smári Guðmundsson
