Category: Fréttir og tilkynningar

Það var líf og fjör á laugardagskvöldið þegar Tónkvíslin fór fram fyrir húsfylli í íþróttahúsinu á Laugum. Nemendur sáu til þess að keppnin væri hin allra glæsilegasta og allir keppendur stóðu sig vel og eiga hrós skilið fyrir frábæra frammistöðu ásamt hljómsveitum kvöldsins. Við óskum sigurvegurum kvöldsins þeim Hrólfi Péturssyni og  Alexöndru Hermóðsdóttur innilega til hamingju með vel verðskuldaðan sigur.

Laugardaginn 11.mars verður hin árlega söngvakeppni Framhaldsskólans á Laugum haldin með pompi og prakt.  Smelltu á myndina til þess að sjá hana stærri 

Lífshlaupið er heilsu og hvatningarverkefni Íþrótta og Ólympíusambands Íslands sem höfðar til allra aldurshópa. Vinnustaðir, skólar og einstaklingar eru hvattir til að taka þátt og nota þannig tækifærið til að efla líkama og sál með því að hreyfa sig daglega. Framhaldsskólinn á Laugum tók þátt í framhaldsskólakeppninni sem ætluð er fyrir 16 ára og eldri og stendur yfir í tvær vikur í febrúar. Boðið var upp á afar fjölbreytta hreyfingu …Lestu áfram

Öskudaginn var haldinn með pompi og prakt í Framhaldsskólanum á Laugum. Nemendur og starfsfólk skólans klæddu sig upp í tilefni dagsins og kötturinn var sleginn úr tunnunni. Í hádeginu var boðið upp á hamborgaraveislu áður en grímuklæddir nemendur héldu af stað í langþráð vetrarfrí.