Birt 9. apríl, 2026
Stærsti og rótgrónasti menningarviðburður framhaldsskóla landsins
Söngkeppni framhaldsskólanna á rætur að rekja til ársins 1982 og hefur verið haldin í núverandi mynd frá 1990. Keppnin er einn stærsti og rótgrónasti menningarviðburður framhaldsskóla landsins og hefur frá upphafi verið mikilvægur vettvangur fyrir ungt fólk til að stíga sín fyrstu skref í söng, tónlist og sviðsframkomu.
Í gegnum árin hefur keppnin skapað sér sterkan sess í íslensku menningarlífi og orðið hluti af sameiginlegri reynslu kynslóða framhaldsskólanema. Nemendafélög um allt land halda undankeppnir innan sinna skóla og sigurvegarar vinna sér þar með þátttökurétt í aðalkeppninni.
Þannig hefur keppnin bæði sameinað skólasamfélögin og skapað brú milli ólíkra landshluta með tónlist, sköpun og samvinnu að leiðarljósi. Á síðustu árum hefur keppnin vaxið hratt á ný, bæði í umfangi og sýnileika.
Alexandra Ósk keppir fyrir hönd Framhaldsskólans á Laugum
Við hvetjum alla til þess að horfa á keppnina og styðja við Alexöndru.