Áfanginn er sjálfstætt framhald áfangans LÝÐF2AA12, sem fjallaði um einstaklinginn, heilbrigði og samfélag, en nú er farið lengra út í heiminn og umhverfismál, menning og listir verða aðal viðfangsefni áfangans. Upplýsingalæsi og siðvitund verða undirstef í allri nálgun viðfangsefna.
Nemandi skal hafa öðlast þekkingu og skilning á:
vistfræði, búsvæðum og fæðukeðjum
vistkerfi manna og dýra
áhrifum mannsins á lífsskilyrði sín og annarra lífvera
hvernig menningareinkenni birtast t.d. í kvikmyndum, matarhefðum og listum
samspili menningar og umhverfis
Nemandi skal hafa öðlast leikni í að:
átta sig á samspili menningar og umhverfis
hanna og framkvæma einfaldar vísindalegar tilraunir
skrifa vísindalegar skýrslur
vinna með öðrum
vinna með heimildir
skrifa vandaðan texta samkvæmt reglum íslensks máls
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í samfélagsumræðu með ábyrgum og upplýstum hætti
leysa úr viðfangsefnum einn eða í samstarfi við aðra
sýna ábyrgð, sjálfstæði og sköpun í vinnubrögðum
greina stöðu sína í því umhverfi sem hann lifir og hrærist í, bæði samfélaginu og náttúrulegu umhverfi
beita gagnrýnni og skapandi hugsun á ólík viðfangsefni
sýna hugkvæmni og frumkvæði við lausn verkefna
skilja samspil manns og náttúru í gegnum tíðina og fram til dagsins í dag