Í áfanganum eru helstu viðfangsefni eftirfarandi: Mengi, rauntalnakerfi, rétthyrnt hnitakerfi, bein lína, fleygbogar, lausnir ójafna og annars stigs jafna. Lögð er áhersla á skipulögð vinnubrögð, góða framsetningu og röksemdarfærslu við úrvinnslu verkefna.
Grunnskólaeinkunn B í stærðfræði eða STÆR2RF05
Nemandi skal hafa öðlast þekkingu og skilning á:
Helstu hugtökum er tengjast mengjum, t.a.m. mengi, stak, hlut-, sam,- og sniðmengi ásamt mengjum náttúrulegra/heillra/ræðra og rauntalna
Rótar- og veldareikningi með heilum og ræðum veldisvísum
Fyrsta og annars stigs ójöfnum
Rétthyrndu hnitakerfi
Jöfnu beinnar línu í hnitakerfi
Jöfnu fleygboga í hnitakerfi
Margliðum, reikniaðgerðir og formerki
Fallafræði
Logrum
Nemandi skal hafa öðlast leikni í að:
Vinna með táknmál stærðfræðinnar á skipulagðan hátt
Vinna með talnamengi og talnalínur
Vinna með velda- og rótarreglur
Leysa fyrsta- og annarsstigs jöfnur og ójöfnur
Vinna með hnitakerfi í sléttum fleti
Vinna með jöfnu beinnar línu í hnitakerfi – finna skurðpunkta við ása og hallatölu.
Vinna með fleygboga
Vinna með föll og ferla í hnitakerfum
Nemandi skal geta hagnýtt þá almennu þekkingu og leikni sem hann hefur aflað sér til að:
Setja upp margvísleg verkefni með táknmáli stærðfræðinnar og leysa þau
Skilja merkingu og tengsl hugtaka í námsefninu ásamt því að vinna með þau
Átta sig á ólíkum aðferðum við framsetningu hugmynda og viðfangsefni áfangans
Skrá vinnu sína á skipulegan hátt og geta rökstutt lausnir sínar
Leysa verkefni áfangans á frumlegan hátt
Námsmat fer fram með sífelldum hætti þ.a. öll verkefni gilda til einkunnar