Meginefni áfangans eru heildun, heildunaraðferðir, flatarmáls- og rúmmálsreikningar með heildi, deildajöfnur af fyrsta stigi, runur og raðir. Efnisþættir sem teknir verða fyrir í áfanganum eru: Heildun: Stofnföll, ákveðið og óákveðið heildi. Reiknireglur fyrir heildi. Flatarmál svæða sem afmarkast af gröfum falla reiknað með heildun. Hagnýting heilda, t.d. við lausn verkefna sem tengjast fjölda, magni, vegalendum og hraða. Heildunaraðferðir, s.s. innsetning, hlutheildun og liðun í stofnbrot. Rúmmál snúðs þegar snúið er um x –ás eða y – ás. Tengsl deildunar og heildunar. Deildajöfnur: Fyrsta stigs deildajöfnur af ýmsum gerðum. Notkun deildajafna við lausn hagnýtra dæma af ólíkum toga. Runur og raðir: Endanlegar og óendanlegar runur og raðir. Jafnmuna- og jafnhlutfallarunur og raðir. Samleitnar, óendanlegar jafnhlutfallaraðir. Hagnýting runa og raða í verkefnum tengdum náttúruvísindum. Sannanir með stærðfræðilegri þrepun.
STÆR3DF05
Nemandi skal hafa öðlast þekkingu og skilning á:
Heildunaraðferðum til útreikninga á flatarmáli og rúmmáli
Hagnýtingu heilda
Tengsl heildunar og deildunar
Deildajöfnum af fyrsta stigi
Hagnýtingu deildajafna
Runum og röðum
Hagnýtingu runa og raða
Nemandi skal hafa öðlast leikni í að:
Finna stofnföll einfaldra falla s.s. veldisfalla, vísisfalla, lografalla og hornafalla
Reikna ákveðið og óákveðið heildi og reikna flatarmál svæða sem afmarkast af einföldum ferlum
Beita heildunaraðferðum til að heilda flóknari föll
Reikna ákveðin heildi og finna flatarmál og rúmmál með heildun
Greina á milli ólíkra gerða fyrsta stigs deildajafna og leysa þær með viðeigandi aðferðum
Leysa verkefni tengd náttúruvísindum með runum og röðum
Nemandi skal geta hagnýtt þá almennu þekkingu og leikni sem hann hefur aflað sér til að:
Setja upp margvísleg verkefni með táknmáli stærðfræðinnar og leysa þau
Skilja merkingu og tengsl hugtaka í námsefninu ásamt því að vinna með þau
Beita gagnrýnni hugsun og skipulögðum aðferðum við að leysa verkefni og þrautir
Koma orðadæmum á stærðfræðilegt form og túlka lausnina
Átta sig á ólíkum aðferðum við framsetningu hugmynda og viðfangsefni áfangans
Skrá vinnu sína á skipulegan hátt og geta rökstutt lausnir sínar
Skilja röksemdir í texta og á munnlegan hátt
Leysa verkefni áfangans á frumlegan hátt
Fylgja og skilja röksemdir í mæltu máli og texta, þ.m.t. sannanir úr námsefninu
Námsmat fer fram með fjölbreyttum og sífelldum hætti þ.a. öll verkefni gilda til einkunnar