Meginefni áfangans eru föll, markgildi, deildareikningur og kynning á heildun. Efnisþættir sem teknir verða fyrir í áfanganum eru: Föll: Veldisföll, vísisföll, lograföll, andhverf föll, samskeytt föll, eintæk, átæk og gagntæk föll. Markgildi og deildun: Markgildishugtakið. Skilgreining á afleiðu falls. Deildun veldisfalla, vísisfalla, lografalla og hornafalla. Reiknireglur fyrir deildun margfeldis, ræðra falla og samskeyttra falla. Samfeldni og deildanleiki falla. Aðfellur. Hagnýting deildunar við könnun falla, s.s. að finna staðbundin hágildi og lággildi, einhallabil, beygjuskil og jöfnu snertils. Gröf falla. Notkun deildareiknings við hagnýt viðfangsefni, t.d. útreikning á hraða og hröðun. Söguleg þróun deildareiknings.
STÆR3HV05
Nemandi skal hafa öðlast þekkingu og skilning á:
Veldis-, vísis- og lograföllum
Samskeyttum, eintækum, átækum og gagntækum föllum
Markgildishugtakinu
Skilgreiningu á afleiðu falls
Deildun ofangreindra falla
Samfeldni og deildanleika falla
Aðfellum
Hagnýtingu deildunar
Nemandi skal hafa öðlast leikni í að:
Vinna með vísis- og lograföll með mismunandi grunntölum
Finna andhverfur falla og að skeyta saman föllum
Nota markgildi og skilgreiningu á afleiðu falls
Deilda veldisföll, vísisföll, lograföll og hornaföll og að nota reiknireglur fyrir deildun margfeldis, ræðra falla og samskeyttra falla
Nota deildareikning við könnun falla, einkum að finna staðbundin útgildi, einhallabil, beygjuskil, jöfnu snertils, aðfellur og að teikna gröf falla og að kanna samfeldni og deildanleika falla
Leysa hagnýt dæmi þar sem beita þarf deildun, eins og útreikningum á vegalengd, hraða eða hröðun
Nemandi skal geta hagnýtt þá almennu þekkingu og leikni sem hann hefur aflað sér til að:
Setja upp margvísleg verkefni með táknmáli stærðfræðinnar og leysa þau
Skilja merkingu og tengsl hugtaka í námsefninu ásamt því að vinna með þau
Beita gagnrýnni hugsun og skipulögðum aðferðum við að leysa verkefni og þrautir
Koma orðadæmum á stærðfræðilegt form og túlka lausnina
Átta sig á ólíkum aðferðum við framsetningu hugmynda og viðfangsefni áfangans
Skrá vinnu sína á skipulegan hátt og geta rökstutt lausnir sínar
Skilja röksemdir í texta og á munnlegan hátt
Leysa verkefni áfangans á frumlegan hátt
Fylgja og skilja röksemdir í mæltu máli og texta, þ.m.t. sannanir úr námsefninu
Námsmat fer fram með fjölbreyttum og sífelldum hætti þ.a. öll verkefni gilda til einkunnar