Hornafræði þar sem nemendur vinna mikið með hornaföllin og gröf þeirra. Áhersla er lögð á sannanir og skýra stærðfræðilega framsetningu. Efnisþættir áfangans eru: Hornaföll: Hornaföll í rétthyrndum þríhyrningi, hornafallareglur, almenn skilgreining hornafalla, umritanir með hornaföllum, hornafallajöfnur og ójöfnur, gröf hornafalla, bogamál. Vigrar: Vigrar í sléttum fleti, samlagning, lengd, samsíða og hornréttir vigrar, hnit, innfeldi, horn milli vigra, miðpunktur striks. Keilusnið: Hringir, sporbaugar, fleygbogar og breiðbogar.
STÆR2AM05 og STÆR2RF05
Nemandi skal hafa öðlast þekkingu og skilning á:
Hornaföllum og hornafallareglum
Hornafallajöfnum og ójöfnum
Gröfum hornafalla og bogamáli
Vigrum í sléttum fleti
Reikniaðgerðum með vigra
Hornum milli vigra
Keilusniði, hringum, sporbaugum, fleygbogum og breiðbogum
Nemandi skal hafa öðlast leikni í að:
Finna lengdir og horn í rétthyrndum og órétthyrndum þríhyrningum og flatarmál þeirra
Einfalda og umrita stæður sem innihalda hornaföll og leysa hornafallajöfnur og ójöfnur
Finna lotu, útslag og hliðrun hornafalla og teikna gröf þeirra eða lesa úr gröfum
Breyta gráðum í bogamál og öfugt
Beita helstu reiknireglum vigurreiknings, t.d. að finna hnit vigra, lengd þeirra, innfeldi tveggja vigra og horn milli vigra
Finna miðju og radíus hrings út frá jöfnu hans, eða öfugt, m.a. með því að fylla í ferninginn og vinna á samsvarandi hátt með jöfnur sporbauga og breiðboga
Sanna einfaldar reglur
Nemandi skal geta hagnýtt þá almennu þekkingu og leikni sem hann hefur aflað sér til að:
Setja upp margvísleg verkefni með táknmáli stærðfræðinnar og leysa þau
Skilja merkingu og tengsl hugtaka í námsefninu ásamt því að vinna með þau
Beita gagnrýnni hugsun og skipulögðum aðferðum við að leysa verkefni og þrautir
Koma orðadæmum á stærðfræðilegt form og túlka lausnina
Átta sig á ólíkum aðferðum við framsetningu hugmynda og viðfangsefni áfangans
Skrá vinnu sína á skipulegan hátt og geta rökstutt lausnir sínar
Skilja röksemdir í texta og á munnlegan hátt
Leysa verkefni áfangans á frumlegan hátt
Fylgja og skilja röksemdir í mæltu máli og texta, þ.m.t. sannanir úr námsefninu
Námsmat fer fram með fjölbreyttum og sífelldum hætti þ.a. öll verkefni gilda til einkunnar