Í áfanganum kynnast nemendur leiklist og leikhúslífinu. Fjallað verður um sögu íslenskrar leikritunar og skoðuð helstu einkenni bókmenntagreinarinnar með það að markmiði að auka skilning nemenda á leikbókmenntum og leiklist. Mikilvægi þess að kynnast innra starfi leikhússins er að fara á æfingar og sýningar í leikhúsi. Nemendur taka þátt í umræðum að lokinni leiksýningu. Nemendum gefst einnig kostur á að fá áfangann metinn ef þeir taka þátt í uppfærslu á leikverki en þurfa þó að skila skýrslu um ferlið frá leiklestri að leiksýningu.
ÍSLE2MÁ05
Nemandi skal hafa öðlast þekkingu og skilning á:
helstu atriðum í sögu íslenskrar leikritunar
íslenskum leikverkum
þeim þáttum sem eru mikilvægir í undirbúningi leiksýningar
sagnahefð og frásagnarlist
gildi og mikilvægi samvinnu
Nemandi skal hafa öðlast leikni í að:
efla framfarir og hópavinnu
lesa leikverk og skilja einkenni bókmenntagreinarinnar
taka þátt í umræðum um leikverk
öðlast æfingu í raddbeitingu og líkamsþjálfun
Nemandi skal geta hagnýtt þá almennu þekkingu og leikni sem hann hefur aflað sér til að:
færa hugmynd í handrit
yfirfæra texta í ýmiss konar stílbrigði leikforms
skilja texta persóna og samhengi bókmenntagreinarinnar og leikverks