Í þessum áfanga verður unnið sérstaklega með samfélagsmiðla og fréttaveitur og áhrif þeirra á íslenskt mál. Lögð verður áhersla á orðaforða, málvillur, mismunandi texta, orðtök og setningafræði. Skoðaðar verða auglýsingar og fyrirsagnir í blöðum/vefmiðlum
mismunandi gerðir ritsmíða s.s. fréttir, blaðagreinar, samskipta-og skoðanakerfi. Nemendur munu fá þjálfun í að skrifa hnitmiðaða fréttatilkynningar, auglýsingar og frásagnir úr viðtölum. Lokaverkefni er tímarit þar sem nemendur munu vinna í hópum að birtingu efnis með íslenskt gott mál að leiðarljósi.
ÍSLE2MÁ05
Nemandi skal hafa öðlast þekkingu og skilning á:
mikilvægi orðaforða, góðri málfræði og stafsetningu
algengum málvillum
mismunandi tegundum nytjatexta
að hugsa á gagnrýninn hátt
ritmáli og talmáli
mikilvægi þess að setja upplýsingar fram á skýran og greinagóðan hátt
fjölbreyttum aðferðum til að koma efni frá sér á prenti
úrvinnslu gagna og uppsetningu efnis
Nemandi skal hafa öðlast leikni í að:
nota algengan og sértækan orðaforða og átta sig á málvillum
skilja og nota algeng stílbrögð í tal-og ritmáli
rita mismunandi tegundir texta í samfelldu máli
auka orðaforða og málsskilning
tileinka sér aðferðafræði ritunar í fréttamennsku
taka saman upplýsingar, svo sem myndir og texta og setja í viðeigandi form
meta málfar og uppbyggingu á eigin texta og annarra á gagnrýninn hátt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna skapandi verkefni í tengslum við námsefnið
styrkja eigin málfærni og málnotkun
nota gott mál í ræður og riti
skrifa íslenskan texta án algengra málvillna
taka þátt í málefnalegum umræðum, tjá skoðanir sínar og færa rök fyrir máli sínu
túlka texta með rökstuðningi
hagnýta sér málfræði-og stafsetningarreglur
tileinka sér jákvætt viðhorf til móðurmáls og eigin málnotkunar
skrifa margs konar ritsmíðar í ákveðnum skrefum
vinna úr upplýsingum og útbúa grein til birtingar
safna saman upplýsingum með ólíkum hætti, svo sem úr viðtölum, skoðanakönnunum eða með öðrum hætti