Í þessum áfanga kynnast nemendur afþreyingarbókmenntum. Það verður lögð verður áhersla á einkenni, form, útbreiðslu og vinsældir þeirra. Nemendur kynna sér hvernig þjóðfélagið endurspeglast í afþreyingarbókmenntaverkum og bera saman við aðra texta með tilliti til málnotkunar og málfars. Nemendur fá tækifæri til að lesa afþreyingarbókmenntaverk sem hefur verið kvikmyndað og felst verkefnið í samanburði á túlkun.
Nemandi skal hafa öðlast þekkingu og skilning á:
Helstu hugtökum bókmennta-og kvikmyndafræði
einkennum og inntaki afþreyingabókmennta í ljósi sögunnar
byggingu, formi, málfari og orðaforða afþreyingabókmennta
þróun íslenskra kvikmynda
straumum og stefnum í íslenskri kvikmyndagerð
orðaforða í kvikmyndum
grunnatriðum í myndvinnslu
Nemandi skal hafa öðlast leikni í að:
lesa sér til gagns
nota viðeigandi hjálpargögn við frágang ritsmíða
skýra frá innihaldi bókmenntaverka í ræðu og riti
skilja og nota bókmennta-og kvikmyndafræðihugtök
Nemandi skal geta hagnýtt þá almennu þekkingu og leikni sem hann hefur aflað sér til að:
túlka kvikmyndir og tengja við menningarlega þætti
vinna skapandi verkefni
túlka texta afþreyingarbókmennta og greina merkingu undir yfirborðinu
vera þátttakandi í umræðum um íslenskar kvikmyndir
bera saman afþreyingarbókmenntir við kvikmynd
skrifa gagnrýni um bókmenntir og kvikmynd á eigin skoðunum