Haldið er áfram á svipuðum nótum og í áfanganum á undan. Farið er yfir mikilvægi þess að allir nemendur finni fjölina sína í lífinu og fái að blómstra og njóta mismunandi hæfileika sinna. Markvisst er leitað að styrkleika hvers og eins og nemendur hvattir til frumkvæðis og sköpunar í starfi og leik. Mikið er lagt upp úr viðveru nemenda og heilbirgðu líferni til líkama og sálar.
Engar
Nemandi skal hafa öðlast þekkingu og skilning á:
Því hvað við köllum lífsleikni – því að lifa lífinu í sátt við sjálfa/n sig og aðra
Mikilvægi heilbrigðs lífernis – svefn, næring, samskipti og hreyfing er í forgrunni
Heilsueflandi framhaldsskóla og verkefnum hans
Þeirri ábyrgð að vera framhaldsskólanemandi og þjóðfélagsþegn
Nemandi skal hafa öðlast leikni í að:
Meta mikilvægi lífsleikni sem námsgreinar á framhaldsskólastigi
Mikilvægi heilbrigðs lífernis – svefn, næring, samskipti og hreyfing er í forgrunni
Greina og meta eigið líf og starf í skólanum í samhengi við meginmarkmið átaksins Heilsueflandi framhaldsskóli
Miðla og gefa af sér í samskiptum og samkennd skólasamfélagsins
Nemandi skal geta hagnýtt þá almennu þekkingu og leikni sem hann hefur aflað sér til að:
Taka þátt í almennum umræðum um hin ýmsu málefni
Styrkja eigið líf og annarra og geta átt uppbyggileg og jákvæð samskipti og samstarf við annað fólk
Taka þátt í þeim verkefnum á vegum Heilsueflandi framhaldsskóla sem skólinn leggur upp með hverju sinni.
Sýna af sér ábyrgð og góð samskipti í hvívetna
Í áfanganum er símat alla önnina. Öll verkefni, dagfar, viðvera, ábyrgð og þátttaka í starfi er metin til einkunnar.