Áfanginn byggir ofan á grunnþekkingu í efnafræði. Farið verður í efnajafnvægi og orkubreytingar efnahvarfa, hraðafræði efnahvarfa, jafnvægisfasta efnahvarfa og lögmál Le Chatelier‘s. Farið er í sýru- og basalausnir, títrun, búfferlausnir. Haldið verður áfram með leysni salta og leysnimargfeldi. Einnig verður farið í rafefnafræði, Galvaníhlöð og aðrar rafhlöður. Mikil áhersla er lögð á dæmareikning þar sem ofangreindir efnisþættir eru fléttaðir saman. Einnig er áhersla lögð á framkvæmd verklegra æfinga sem tengjast efninu og þjálfun í vísindalegum vinnubrögðum og skýrsluskrifum.
EFNA2AE05
Nemandi skal hafa öðlast þekkingu og skilning á:
orkubreytingar í efnahvörfum og vermi
áhrifum hvata, hita, efnismagns og þrýstings á jafnvægi efnahvarfa
umhverfum efnahvörfum
útvermum og innvermum efnahvörfum
jafnvægislögmálinu og lögmáli Le Chateliers
myndun salta, leysnimargfeldi og myndun botnfalla
áhrifum samskonar jóna á jafnvægi fellingarhvarfa
sýrum og bösum, pH hugtakinu, sjálfsjónun vatns og sýru og basa klofningsföstum
muninum á römmum og veikum lausnum af sýru og bösum
sýru- og basapörum í vatnslausnum, búfferlausnum og sýru-basatítrun
spennuröðinni
galvaníhlöðum
sjálfgengum efnahvörfum og ákvörðun hraða efnahvarfa
Nemandi skal hafa öðlast leikni í að:
geta reiknað dæmi tengd hugtökunum hér að ofan
geta útskýrt þá þætti sem hafa áhrif á orkubreytingar við efnahvörf
geta notað lögmál Le Chatelier‘s til að spá fyrir um stöðu og breygingar á jafnvægi efnahvarfa m.t.t. hita, efnismagns og þrýstings
geta ákvarðað sýrustig lausna og ákvarðað jafnvægisstöðu með reikningum og hagnýtingu sýru og basa klofningsfasta
geta ákvarðað sýrustig lausna með títrun
framkvæma verklegar æfingar og vinna úr niðurstöðum þeirra
skýra áhrif virkjunarorku og annara þátta á hraða efnahvarfa
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á og rökstyðja hvaða reikniaðferðir eiga við hverju sinni við útreikninga í efnafræði
beita skipulegum aðferðum við útreikning lausna
tengja efnafræði við daglegt líf og umhverfi og sjá notagildi hennar
sýna sjálfstæði í vinnubrögðum og bera ábyrgð á eigin námsframvindu
Námsmat fer fram með símati; tímakönnunum, verkefnaskilum og verklegum æfingum