Í áfanganum er farið yfir upphaf sálfræðinnar, eðli, sögu og þróun í tengslum við helstu stefnur. Kynntir verða helstu fræðimenn, allt frá tímum Forn-Grikkja til okkar daga þar sem kenningar þeirra og rannsóknir verða til umfjöllunar. Fjallað verður um minnisaðferðir og námsörðugleika bæði á fræðilegan og hagnýtan hátt. Einnig verður vikið að starfssviði sálfræðinga og helstu undirgreinar, um sjálfsmynd, athafnir og tilfinningar.
Nemandi skal hafa öðlast þekkingu og skilning á:
þróun sálfræði og tengslum við aðrar fræðigreinar
hugmyndum sem móta helstu kenningar
helstu frumkvöðlum í greininni
hegðun og tilfinningum einstaklinga
helstu tegundum náms og algengustu námsörðugleikum
hagnýtu gildi sálfræðinnar
Nemandi skal hafa öðlast leikni í að:
skilja eðli, sögu og þróun í tengslum við sálfræðina
beita algengustu hugtökum
bera saman kenningar og gildi þeirra
hagnýta sér minnis-og námsaðferðir
lesa og skilja fræðigreinina og tjá kunnátt sína á munnlegan og skriflegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir áhrifum umhverfis sem mótunaraðila
skilja samspil hugsunar, tilfinninga og hegðunar
tjá sig um einstaka efnisþætti á gagnrýninn hátt
afla sér upplýsinga, greina helstu atriði þeirra og hagnýta sér
vinna að rannsókn og skila niðurstöðum á faglegan hátt
Í áfanganum er unnið með símat þar sem verkefni gilda til einkunnar ásamt könnunum og ritgerð.