Í áfanganum er lögð aukin áhersla á lestur fjölbreyttari texta, ritun, skilning á töluðu máli og munnlega tjáningu. Lög er áhersla á að auka hagnýtan orðaforða og lesskilning. Auk þess að nemendur geti skilið inntak ritmáls- og talmálstexta sem fjalla um nokkuð sérhæft efni sem þeir þekkja til eða hafa áhuga á. Nemendur eru þjálfaðir í að nota algeng orð og orðasambönd í ræðu og riti. Farið verður í flóknari atriði en áður í danskri málfræði. Dönsk menning er kynnt með það að markmiði að vekja áhuga á henni. Nemendur vinna sjálfstætt og í hóp. Lögð er áhersla á að nemandinn beri ábyrgð á eigin námsframvindu og sé meðvitaður um mismunandi aðferðir og hjálpargögn til að tileinka sér tungumál.
Grunnskólaeinkunn B eða dönskuáfangi á fyrsta þrepi.
Nemandi skal hafa öðlast þekkingu og skilning á:
mismunandi lestraraðferðum eftir tilgangi lesturs
danska málkerfinu til markvissar notkunar, bæði skriflega og munnlega
helstu menningarsvæðum þar sem danska er töluð
notkun helstu hjálpargagna, s.s. orðabókum, þýðingarvélum, uppsláttarritum og kennsluforritum
Nemandi skal hafa öðlast leikni í að:
skilja eðlilegt talað mál við mismunandi aðstæður sem og algengustu orðasambönd sem einkenna það
lesa fjölbreyttar gerðir texta sér bæði til gagns og gamans og beita þeim lestraraðferðum sem við eiga eftir gerð textans eða viðfangsefnisins
tjá sig skýrt í ræðu og riti um málefni sem hann hefur kynnt sér
beita meginreglum danskrar málfræði
nota orðabækur og viðeigandi hjálpargögn
Nemandi skal geta hagnýtt þá almennu þekkingu og leikni sem hann hefur aflað sér til að:
skilja inntak ritmáls um almenn og sérhæfð efni sem hann þekkir til eða hefur áhuga á
skilja talað mál í samtali og fjölmiðlum
vera sjálfbjarga í upplýsingaöflun og notkun hjálpargagna
leysa úr viðfangsefnum einn eða í samstarfi við aðra
auka meðvitund um eigin færni í tungumálinu og eigin leiðir til að tileinka sér málið
Í áfanganum er viðhaft leiðsegjandi mat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega. Nánar er kveðið á um námsmat í kennsluáætlun.