Áfangalýsing: Þetta er síðari söguáfanginn á almennri námsbraut. Hér er um að ræða þemaáfanga þar sem tekin eru fyrir atriði/þemu úr Íslands- og mannkynssögu. Nemendur geta valið í hvaða röð þeir vinna viðkomandi atriði/þemu en þeir verða að skila vinnu úr a.m.k. 6 af 8 þáttum sem í boði eru. Þá geta nemendur lagt til einstaka þætti sjálfir.
SAGA1AN04
Nemandi skal hafa öðlast þekkingu og skilning á:
Á þeim viðfangsefnum sem tekin eru fyrir í áfanganum og nemandinn velur sér til viðfangs hverju sinni.
Mismunandi tímabilum sögunnar og hvað einkennir þau aðallega
Mikilvægi þess að setja hlutina í sögulegt samhengi
Mismunandi gerðum heimilda og áreiðanleika þeirra
Nemandi skal hafa öðlast leikni í að:
Meta og greina þá viðburði sem teknir eru fyrir með aðstoð kennara.
Að staðsetja viðburði í tíma og rúmi og setja þá í sögulegt samhengi
Vinna eftir ákveðnum vinnuáætlunum og standast fyrirframgefnar tímaáætlanir.
Nýta sér ýmis hjálpartæki við námið, s.s. ýmsa námsvefi, hljóðbækur o.fl.
Afla sér upplýsinga á sem fjölbreytilegastan hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
Vinna sem fjölbreytilegust verkefni og gera góða grein fyrir þeim
Geta sótt sér og nýtt á sem bestan hátt haldgóðar og fjölbreyttar heimildir.
Verða fær í samstarf og samvinnu við aðra samnemendur í áfanganum
Velja fjölbreytilegar aðferðir við að koma þekkingu sinni á framfæri.
Í áfanganum er símat alla önnina. Öll verkefni, dagfar, viðvera og vinnusemi, ábyrgð og þátttaka í starfi er metin til einkunnar.