Nám á almennri námsbraut er að mestu leyti einstaklingsmiðað og því vinna nemendur oftast nær eftir einstaklingsnámskrá. Í upphafi náms er reynt að taka mið af námslegri stöðu hvers og eins þannig að hægt sé að vinna síðan út frá þeim upplýsingum. Áhersla er lögð á það að nemendur verði sem fyrst nokkuð meðvitaðir um styrkleika sinn og veikleika í námi og læri að vinna með þær upplýsingar.
Engar
Nemandi skal hafa öðlast þekkingu og skilning á:
Sem flestum leiðum við nám, þannig að hver og einn finni sína aðferð sem fyrst
Mikilvægi þess að hafa yfir að ráða sem flestum vinnuaðferðum við námið Einstaklingsnámskrá og hvernig nýta má hana sem gott vinnutæki við að ná árangri í námi
Því að nám í framhaldsskóla krefst mikillar ábyrgðar hvers og eins ef árangur á að nást
Nemandi skal hafa öðlast leikni í að:
Meta með aðstoð kennara helstu hindranir við námið og hvernig finna má leiðir til að yfirstíga þær
Vinna eftir einstaklingsnámskrá eða öðrum vinnuáætlunum
Nýta sér ýmis hjálpartæki við námið, s.s. ýmsa námsvefi, hljóðbækur o.fl.
Afla sér upplýsinga á sem fjölbreytilegastan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
Hagnýta sér á sem árangursríkastan hátt styrkleika sína við nám
Gera sér grein fyrir á hvern hátt áætlanagerð og skipulag vinnur með honum við leit að auknum námsárangri
Taka þátt í umræðum og hafa skoðun á því hvernig honur finnst best að læra
Sýna af sér ábyrgð og skipulag við námið
Í áfanganum er símat alla önnina. Öll verkefni, dagfar, viðvera, ábyrgð og þátttaka í starfi er metin til einkunnar.