Í list- og verkgreinanámi er lögð áhersla á sköpun í víðum skilningi. Viðfangsefnin geta verið af ýmsum toga en öll miða þau að því að búa til eða gera eitthvað nýtt eða öðruvísi en viðkomandi kann eða hefur gert áður. Nemendum er gerð grein fyrir mikilvægi sköpunar í daglegu lífi einstaklingsins og sem þátttakanda í samfélaginu. Í stað þessa áfanga geta nemendur tekið annan/aðra áfanga í námsgreininni LIVE.
Engar
Nemandi skal hafa öðlast þekkingu og skilning á:
hvernig hann getur unnið með áreiti og tengt það við fyrri þekkingu og skapað nýja
hvernig hægt er að beita sköpun, jafnt í handverki og hugverki
vinnubrögðum sem einkennast af sköpunargleði, frumkvæði og frumleika
Nemandi skal hafa öðlast leikni í að:
móta viðfangsefni og miðla þeim
sjá fyrir það óorðna og framkvæma það
Nemandi skal geta hagnýtt þá almennu þekkingu og leikni sem hann hefur aflað sér til að:
skynja merkingu viðfangsefnanna og gildi þeirra
beita gagnrýninni hugsun og aðferðum
leysa viðfangsefni og leita nýrra möguleika
Námsmat tekur mið af viðfangsefnum hverju sinni og er sett fram í kennsluáætlun.