Nemendur kynnast ólíkum rannsóknaraðferðum og tengslum þeirra við mismunandi kenningar. Þeir læra um söfnun gagna, úrvinnslu þeirra og kynningu á þeim. Nemendur vinna rannsóknarverkefni og fá þjálfun í að beita eigindlegum og megindlegum aðferðum.
Að hafa lokið sem svarar tveimur árum af námi á stúdentsbraut
Nemandi skal hafa öðlast þekkingu og skilning á:
ólíkum aðferðum í rannsóknum
helstu viðfangsefnum og kenningum við öflun og úrvinnslu gagna í rannsóknum
Nemandi skal hafa öðlast leikni í að:
að meta tilgang félags- og náttúruvísinda
greina kosti og galla mismunandi rannsóknaraðferða
safna gögnum, vinna úr þeim og kynna niðurstöður í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
meta áreiðanleika og réttmæti rannsókna á sviði félags- og náttúruvísinda
beita rannsóknaraðferðum félags- og náttúruvísinda
gera eigin rannsóknir
Námsmatið er sífellt yfir alla önnina og samanstendur af t.d. þátttöku í áfanganum, munnlegum og skriflegum verkefnaskilum, einstaklings- og hópverkefnum.