Í áfanganum er farið í grunnatriði danskrar málfræði og alla færniþætti málsins, þ.e. lesskilning, ritun, hlustun og tjáningu. Unnið með létta texta til að auka lesskilning, orðaforða og orðanotkun. Hlustun er þjálfuð. Stefnt er að því að gera nemendur færa um að skilja tiltölulega einfalda almenna texta. Dönsk menning er kynnt og áhugi á henni vakinn og unnið að því að gera viðhorf nemenda til tungumálsins jákvæð. Nemendur eru hvattir til sjálfstæðra vinnubragða samhliða símati.
Áfanginn er hugsaður fyrir þá sem ekki ná B í grunnskólaeinkunn í dönsku
Nemandi skal hafa öðlast þekkingu og skilning á:
mannlífi, menningu og siðum í Danmörku
dönskum orðaforða tengdum daglegu lífi, danski menningu og íslenskri
undirstöðuatriðum í danskri málfræði
algengum framburðarreglum
noktun hjálpargagna svo sem orðabóka og leiðréttingarforrita
Nemandi skal hafa öðlast leikni í að:
skilja talað mál um kunnuleg einföld efni þegar talað er skýrt og áheyrilega
lesa ýmiss konar einfalda texta í samræmi við þekkingarviðmið
skrifa einfaldan texta um efni sem hann þekkir eða hefur áhuga á
tjá sig munnlega um einföld efni varðandi daglegt líf
þekkja helstu málfræðireglur og geta leitað í þær þegar þurfa þykir
nota upplýsingatækni og hjálpargögn í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
fylgjast með einföldum frásögnum um almenn efni
lesa sér til gagns og tjá sig skriflega um málefni tengd þekkingarviðmiðum
tjá sig á einfaldan hátt á dönsku
þróa með sér aga, metnað, ábyrgð og jákvæðni í vinnubrögðum
Námsmatið er fjölbreytt og tengist öllum færniþáttunum. Byggt er á símati og því áhersla á að nemendur vinni jafnt og þétt og skili öllum verkefnum. Nánar er kveðið á um námsmat í kennsluáætlun.