Í áfanganum er fjallað um frumkvöðla félagsfræðinnar og helstu sjónarhorn greinarinnar kynnt. Samfélagið er skoðað í ljósi mismunandi kenninga og fjallað er um nokkrar þekktar rannsóknir innan félagsvísinda. Farið er yfir vítt svið félagsfræðinnar og nemendur þjálfaðir í að beita félagsfræðilegu innsæi við túlkun á samfélagslefum málefnum. Áhersla er lögð á að nemendur öðlist skilning á hugtökum sem kynnt eru í áfanganum, setji þau í fræðilegt samhengi og geti beitt þeim við túlkun og greiningu á samfélaginu, bæði almennt og á tiltekin viðfangsefni, s.s. fjölskyldu, skóla, fjölmiðla og heilsu. Helstu kenningar varðandi átök, samskipti og samstöðu (virni) eru skýrðar, ásamt viðhorfum sem kennd eru við póstmódernisma.
SAMG1IF04
Nemandi skal hafa öðlast þekkingu og skilning á:
helstu frumkvöðla félagsfræðinnar og framlagi þeirra til greinarinnar
helstu sjónarhornum innan félagsfræðinnar
grunnatriðum aðferðafræði félagsfræðinnar
hugtökum eins og félagslegri lagskiptingu, frávikum, kynhlutverki og sjálfmynd
áhrifum fjölmiðla á samfélagið
hlutverki fjölskyldu og skóla
áhrifum samfélagsins/menningar og á heilsufar einstaklingsins
Nemandi skal hafa öðlast leikni í að:
beita kenningum í félagsfræði til þess að skoða samfélagsleg málefni
beita félagsfræðilegu innsæi
beita aðferðum félagsfræðinnar
fjalla um og bera saman ólík sjónarhorn innan félagsfræðinnar
útskýra áhrif kenninga á samfélagasleg viðfangsefni
afla sér þekkingar og upplýsinga um samfélagsleg málefni, greina helstu atriði þeirra og hagnýta sér
tjá sig skipulega og gagnrýnið um einstaka þætti áfangans
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í umræðum um samfélagsleg málefni og mynda sér skoðanir sem byggjast á gagnrýninni hugsun
framkvæma einfalda rannsókn og átta sig á helstu niðurstöðum
beita öguðum vinnubrögðum, taka ábyrgð á námi sínu og vinna í samvinnu við aðra
Námsmatið er fjölbreytt og sífellt yfir alla önnina. Leiðsegjandi mat er haft að leiðarljósi. Nánari útfærsla á námsmati kemur fram í kennsluáætlun áfangans og er í samræmi við skólanámskrá