Nemendur móta verkefnið sjálfir, en efnistök eru háð samþykki kennara. Þeir geta valið viðvangsefni og tvinnað saman efni úr ólíkum námsgreinum (samþætting) eða leitað fanga út fyrir hefðbundið námsframboð. Gert er ráð fyrir að nemendur leggi áherslu á eitthvert sérsvið tengt viðkomandi námsbraut sem lið í undirbúningi fyrir háskólanám eða þátttöku á vinnumarkaði enda sé verkefnið fræðilegt í eðli sínu. Áhersla er á sjálfstæð vinnubrögð og að námið sé einstaklingsmiðað.
Að hafa lokið sem svarar 2 árum af námi á stúdentsbraut
Nemandi skal hafa öðlast þekkingu og skilning á:
sérsviði að eigin vali tengdu viðkomandi námsbraut
hvernig upplýsinga um viðfangsefnið er best aflað
hvernig vinnuaðferðir henta best miðað við það hvers eðlis verkefnið er
Nemandi skal hafa öðlast leikni í að:
lesa sér til og tengja saman upplýsingar úr ólíkum áttum
afla upplýsinga, vinna úr þeim og setja fram á skipulegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sjálfstætt að viðamiklum verkefnum
beita vísindalegum aðferðum við úrvinnslu og framsetningu gagna
taka þátt í umræðum og rökræðum sem tengjast viðfangsefninu
flytja vel uppbyggða kynningu, draga fram aðalatriði, rökstyðja mál sitt með dæmum og bregðast við fyrirspurnum
velja sér og vinna með námstengt viðfangsefni sem tengist áhugasviði hans
Námsmatið skipist í mat á áfangaskýrslum sem nemendur skila um framvindu verkefnisins, í mat á ritgerð og í mat á kynningu á verkefninu.