Áfanginn er samvinnuverkefni kennara og nemenda á heimavist og nær hann yfir allt skólaárið. Markmiðið er að leiðbeina nemendum um að búa á heimavist. Fjallað er um nauðsyn þess að sýna tillitsemi og umburðarlyndi. Farið yfir grunnatriði þess að sjá um sig sem sjálfstæður einstaklingur sem ber ábyrgð á líðan sinni og vegferð.
Engar
Nemandi skal hafa öðlast þekkingu og skilning á:
heimavistarreglum
grunnatriðum þrifa og húshalds
þeirri ábyrgð sem fylgir því að búa í heimavistarskóla og stunda þar nám
þeim gildum sem höfð eru í heiðri við Framhaldsskólann á Laugum
mikilvægi þess að taka þátt í samfélaginu, bæði í námi og leik
Nemandi skal hafa öðlast leikni í að:
búa í nánu sambýli þar sem leikreglur lýðræðis eru ráðandi
setja fram gagnrýni á jákvæðan og uppbyggilegan hátt
taka við gagnrýni og læra af henni
meðtaka og sýna aukna ábyrgð sem nemandi í heimavistarskóla
bera sig eftir þátttöku í félagslífi skólans
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í skólastarfinu sem ábyrgur skólaþegn
vera öðrum til fyrirmyndar í umgengni við muni og menn
þroska og efla hæfileika og getu í námi og félagsstörfum
verða góður skólaþegn
Í áfanganum er símat alla önnina. Öll verkefni, dagfar, viðvera, ábyrgð og þátttaka í starfi er metin til einkunnar.