Það kom upp villa senda inn  Áfangi

    Áfangi Nánari upplýsingar


    Búið til: 1434968994.7

    Knattspyrna yngri flokka
    ÍÞRG2KN02
    28
    íþróttagrein
    knattspyrna
    Samþykkt af skóla
    2
    2
    Viðfangsefni áfangans er knattspyrna og áfanginn er að mestu verklegur þar sem áherslan er á knattspyrnu fyrir byrjendur upp að 16 ára aldri. Í áfanganum verður farið í grunntækniatriði (knattmeðferð, knattrak, sendingar, skot og gabbhreyfingar) leiksins og grunnleikfræði í vörn (1. og 2.varnarmaður) og sókn (1. og 2. sóknarmaður, þríhyrningsspil og framhjáhlaup). Lesefni, myndbönd o.fl. tengt viðfangsefninu verður sett á moodle og nemendur vinna fjölbreytt verkefni (einstaklings, hópa, umræðuþræðir o.fl.).
    Engar
    Nemandi skal hafa öðlast þekkingu og skilning á:
    • nýtingu leikja og æfinga fyrir byrjendur og þá sem lengra eru komnir
    • mismunandi hlutverkum leikmanna í knattspyrnu
    • grunnreglum íþróttarinnar, s.s. leikvöllur, leiktími, knöttur í og úr leik, leikbrot og föst leikatriði
    • grunntækniatriðum íþróttarinnar, s.s. knattmeðferð, knattrak, sendingar, skot og gabbhreyfingar
    • grunnleikfræði íþróttarinnar, s.s. 1. og 2. varnar- og sóknarmaður
    Nemandi skal hafa öðlast leikni í að:
    • setja upp skipulagðan tímaseðil út frá getu iðkenda og markmiði tímans
    • meta reglur íþróttarinnar við að horfa á kappleiki og dæma hjá samnemendum
    • þekkja muninn á mismunandi varnarleik í föstum leikatriðum
    • þekkja hlutverk leikmanna, s.s. 1. og 2. varnar- og sóknarmaður og geta spilað mismunandi leikstöður
    • útfæra mismunandi krefjandi æfingar til að æfa viðfangsefnin
    Nemandi skal geta hagnýtt þá almennu þekkingu og leikni sem hann hefur aflað sér til að:
    • geta horft á knattspyrnuleik og skilið leikinn, s.s. hvað er verið að dæma, hvaða leikaðferð er verið að spila, hvaða grunnáherslur eru í varnar- og sóknarleiknum og útskýra þau kerfi sem verið er að nota
    • bera ábyrgð á því að skipuleggja og framkvæma kennslu hjá samnemendum þar sem grunnatriðin eru kennd
    • meta eigin leik og annarra og koma með hugmyndir að því hvað má bæta og hvernig
    • geta tekið þátt í umræðum um viðfangsefnin á faglegan og uppbyggilegan hátt
    Í áfanganum er viðhaft leiðsagnarmat með símati alla önnina. Öll verkefni gilda til einkunnar. Nemendur þurfa að uppfylla skilyrði um mætingu og virkni í tímum. Áfanginn er metinn út frá verkefnaskilum, mætingu, virkni, færni og áhuga.