Viðfangsefni áfangans er badminton (hnit) og áfanginn er að mestu verklegur þar sem áherslan er badminton fyrir byrjendur og lengra komna. Í áfanganum verður farið í grunntækniatriði (uppgjöf, stutt og löng slög og bakhandarslög) leiksins. Lesefni, myndbönd o.fl. tengt viðfangsefninu verður sett á moodle og nemendur vinna fjölbreytt verekfni (einstaklings, hópa, umræðuþræðir o.fl.).
Engar
Nemandi skal hafa öðlast þekkingu og skilning á:
nýtingu leikja og æfinga fyrir byrjendur og þá sem lengra eru komnir
grunnreglum íþróttarinnar, s.s. muninum á einliða- og tvíliða-/tvennarleik
grunntækniatriðum íþróttarinnar, s.s. uppgjöf, stutt og löng slög og bakhandarslag
grunnleikfræði íþróttarinnar, s.s. staðsetningar og samvinna í tvíliða- og tvenndarleik
Nemandi skal hafa öðlast leikni í að:
setja upp skipulagðan tímaseðil út frá getu iðkenda og markmiði tímans
nýta leiki til kennslu grunntækniatriða leiksins
meta reglur íþróttarinnar við að horfa á kappleiki og dæma hjá samnemendum
útfæra mismunandi krefjandi æfingar til að æfa viðfangsefnin
Nemandi skal geta hagnýtt þá almennu þekkingu og leikni sem hann hefur aflað sér til að:
geta horft á badminton og skilið leikinn, s.s. hvað er verið að dæma, hvaða áherslur hvor leikmaður eða hvort par er með í leiknum og útskýra þau atriði sem verið er að nota
bera ábyrgð á því að skipuleggja og framkvæma kennslu hjá samnemendum þar sem grunnatriði eru kennd
meta eigin leik og annarra og koma með hugmyndir að því hvað má bæta og hvernig
geta tekið þátt í umræðum um viðfangsefnin á faglegan og uppbyggilegan hátt
Í áfanganum er viðhaft símat alla önnina. Öll verkefni gilda til einkunnar. Nemendur þurfa að uppfylla skilyrði um mætingu og virkni í tímum. Áfanginn er metinn út frá verkefnaskilum, mætingu, virkni, færni og áhuga.