Áfanginn fjallar um sögu örverufræðinnar og helstu flokka örvera. Fjallað verður um lífstarfsemi örvera; næringarnám og fjölgun. Mikilvægi örvera í náttúrulegum vistkerfum og notkun af örverum í iðnaði. Farið verður í flokkun baktería og fjallað um bakteríur sem valdið geta sýkingum í mönnum og dýrum; náttúruleg heimkynni þeirra, smitleiðir og faraldsfræði. Grundvallaratriði í veirufræði verða kynnt; gerð og flokkun veira, fjölgun veira og verkanir þeirra á frumur. Fjallað verður um veirusýkingar; smitleiðir þeirra og faraldsfræði.
5 einingar í líffæra- og lífeðlisfræði mannsins
Nemandi skal hafa öðlast þekkingu og skilning á:
flokkun örvera, byggingu þeirra og starfsemi
helstu ræktunar- og greiningaraðferðum sem notaðar eru við örverurannsóknir
mikilvægi örvera í náttúrunni og notagildi þeirra í iðnaði
skaðsemi örvera, s.s. skemmdir á matvælum og sjúkdómum sem þær valda
helstu vörnum gegn örverum, sótthreinsun, sýklalyf og mótefnum
Nemandi skal hafa öðlast leikni í að:
gera greinarmun á veiru- og bakteríusýkingum og vörnum gegn þeim
rækta bakteríur
útskýra notagildi og mikilvægi örvera í náttúru og iðnaði
útskýra skaðsemi örvera m.t.t. matvæla og sjúkdóma
Nemandi skal geta hagnýtt þá almennu þekkingu og leikni sem hann hefur aflað sér til að:
taka rökstudda afstöðu með almennum bólusetningum
móta sér rökstudda afstöðu í siðfræðilegum álitamálum tengdum örverufræði
Námsmat fer fram með símati; tímakönnunum, verkefnaskilum og verklegum æfingum