Í áfanganum er fjallað um sögu erfðafræðinnar og stöðu hennar innan náttúruvísinda. Fjallað er um lykilatriði erfðafræðinnar, frumuskiptingu, litninga og gen, myndun kynfruma og frjóvgun. Einnig um erfðamynstur lífvera og hvað ræður kynferði þeirra. Litningar eru teknir til umfjöllunar og skoðað hvernig þeir stjórna myndun próteina í lífverum og atburðarás próteinmyndunar rakin. Breytingum á erfðaefni, stökkbreytingum og litningabreytingum er lýst ásamt sérkennum í erfðum örvera og fjallað um helstu aðferðir sem beitt er í erfðarannsóknum og erfðatækni. Fjallað er um tíðni og jafnvægi gena í ólíkum stofnum lífvera.
5 einingar í líffæra- og lífeðlisfræði mannsins
Nemandi skal hafa öðlast þekkingu og skilning á:
kjarnaskiptingu (mítósa og meiósa)
helstu einkennum mendelskra erfða og erfða á sameindastigi
grunni stofnerfðafræði
gangi ríkjandi og víkjandi gena við mismunandi aðstæður
hlutverki kjarnsýra í heilkjörnungum, dreifkjörnungum og veirum
reglu Hardys og Weinbergs og notagildi hennar
Nemandi skal hafa öðlast leikni í að:
skýra út tengsl arfgerða og svipgerða
skýra út einföld dæmi erfðatækninnar
lýsa í máli og myndum einstökum fræðilegum þáttum erfðafræðinnar
Nemandi skal geta hagnýtt þá almennu þekkingu og leikni sem hann hefur aflað sér til að:
segja fyrir um árangur eingena og fjölgena erfða
tengja saman DNA og erfðir út frá próteinmyndun
móta sér rökstudda afstöðu í siðfræðilegum álitamálum tengdum erfðafræði
Námsmat fer fram með símati; tímakönnunum, verkefnaskilum og verklegum æfingum