Nemendur vinna með lögmál viðfangsefnanna á margvíslegan hátt, bæði með útreikningum, verkefnum og verklegum æfingum. Í áfanganum er fjallað um ljósfræði og linsur ásamt virkni þeirra. Að auki er hljóðfræði viðfangsefni áfangans þar sem hljóð er skoðað á mismunandi vegu. Ljós- og hljóðbylgjur sameinast svo í bylgjufræðum sem einnig er viðfangsefni áfangans. Nemendur kynnast hugtökunum í verklegum og bóklegum verkefnum.
EÐLI2HR05
Nemandi skal hafa öðlast þekkingu og skilning á:
Hugtökum hljóðfræðinnar og eðliseiginleikum hljóðs
Hljóðbylgjum og doppler-hrifum
Ljósbrotum og eiginleikum ljóss í mismunandi efni
Linsum og virkni þeirra
Bylgjum í mismunandi formum, t.a.m. bylgjuhreyfingar á streng og fleti
Eiginleikum bylgja – endurvarp og bylgjubrot
Nemandi skal hafa öðlast leikni í að:
Reikna út hvernig hljóðbylgjur verða í mismunandi rýmum og hljóðgjöfum
Reikna út hraða hlutar út frá hljóðbylgjum og doppler-hrifum
Reikna hvernig ljós brotnar í mismunandi efnum
Reikna hvernig linsur verka á ljós sem fer í gegnum þær
Reikna hvernig bylgjur brotna og endurvarpast
Setja upp verklegar æfingar til að reyna útreikninga sína
Nemandi skal geta hagnýtt þá almennu þekkingu og leikni sem hann hefur aflað sér til að:
leysa þau verkefni sem fyrir hann eru lögð í áfanganum
beita þeim reikniaðferðum sem kenndar eru í áfanganum
leysa verklegar æfingar og kynna niðurstöður þeirra
sýna sjálfstæði og frumkvæði í vinnubrögðum
bera ábyrgð á eigin námsframvindu
vinna í hóp til þess að leysa raunveruleg vandamál með eðlisfræði
setja fram eðlisfræðileg umfjöllunarefni á skýran og markvissan hátt í ræðu og riti
tengja eðlisfræðina við daglegt líf og umhverfi og gera sér grein fyrir notagildi hennar
Skilja hvernig heimurinn virkar
Námsmat fer fram með fjölbreyttum og sífelldum hætti þ.a. öll verkefni gilda til einkunnar