Áhersla er lögð á að nemendur geti notað og unnið með SI – einingarnar og þekki mun á vektorstærð og stigstærð. Í áfanganum læra nemendur að vinna með hugtök hreyfifræðinnar og samband þess við vinnu, afl, núning o.s.frv. Einnig vinna nemendur með útreikninga á skriðþunga og atlagi. Nemendur kynnast hugtökunum í verklegum og bóklegum verkefnum.
RAUN1NÁ04
Nemandi skal hafa öðlast þekkingu og skilning á:
SI - einingakerfi raunvísindanna
muninum á stigstærð og vektorstærð
hugtökum hreyfifræðinnar s.s. hraði og hröðun
krafthugtakinu og skilgreiningunni á krafti
1., 2. og 3. lögmáli Newtons
hvað er átt við með orkuvarðveislu
hugtökunum vinna, orka, afl og nýtni
hvernig orka breytir um form og varðveitist í lokuðum kerfum
varðveislu skriðþungans og atlagi
Nemandi skal hafa öðlast leikni í að:
nota hreyfijöfnurnar til að reikna hraða, tíma, færslu, upphafshraða, lokahraða og hröðun hluta sem hreyfast eftir beinni línu
reikna út krafta sem verka á hluti á hreyfingu
nota fyrstu þrjú lögmál Newtons við úrlausn verkefna
framkvæma mælingar á hlutum sem hreyfast eftir beinni línu
skrá niðurstöður mælinga á skipulagðan hátt
tjá sig munnlega og skriflega um hugtök aflfræðinnar
reikna út afl, vinnu, skriðþunga ásamt því að tjá sig um útreikningana
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra skriflega og munnlega hugtök hreyfi og aflfræðinnar með því að taka dæmi úr daglegu lífi
skiptast á skoðunum og bregðast við viðmælendum sínum
sýna fram á lögmál hreyfi og aflfræðinnar með tilraunum, annaðhvort einn eða í samstarfi við aðra
leysa úr viðfangsefnum einn eða í samstarfi við aðra
þróa með sér aga, metnað, ábyrgð og jákvæðni í vinnubrögðum
meta eigið vinnuframlag
Námsmat fer fram með fjölbreyttum og sífelldum hætti þ.a. öll verkefni gilda til einkunnar