Lokametrar annarinnar.

Nú á lokametrum annarinnar er mikið að gera hjá nemendum FL og allir að reyna ná sem bestum lokaeinkunnum í áföngunum sínum. Þó verkefnaskil hafi staðið jafnt og þétt yfir önnina eru að sjálfsögðu einhver verkefni sem eftir standa sem og einhver verkefni sem nemendur hafa fengið að fresta.

Nú eftir áramót munum við kveðja einhverja nemendur skólans sem eru ýmist að klára, hætta eða eru að taka seinustu önnina utanskóla.

Þökkum við öllum þeim nemendum fyrir samstarfið yfir veturinn og bjóðum gleðileg jól og farsælt nýtt ár.

GI

Bréfamaraþon Amnesty International 2017

Image

Þann 7. desember síðastliðinn tóku nemendur og starfsmenn Framhaldsskólans á Laugum þátt í bréfamaraþoni Amnesty International. Málefnin voru tíu talsins að þessu sinni og skrifuðu þátttakendur okkar rúmlega 800 bréf til stuðnings ýmsum málefnum til að mótmæla mannréttindabrotum sem eiga sér stað víðs vegar um heiminn. Góður andi ríkti og fengu þátttakendur smákökur og konfekt.

Föndurkvöld 6. desember 2017

Image

Í gærkveldi var svokallað föndurkvöld sem Freydís Anna Arngrímsdóttir kennari, hafði veg og vanda af. Nemendur jafnt sem starfsmenn tóku þátt og má sjá á meðfylgjandi myndum fallega muni sem litu dagsins ljós.

Nemendum Framhaldsskólans á Húsavík boðið í heimsókn.

Í gær, miðvikudaginn 29. nóvember, fengum við nemendur frá Framhaldsskólanum á Húsavík í heimsókn til okkar. Byrjað var á því að keppa í capture the flag, sem endaði með jafntefli. Eftir keppnina fóru allir og fengu sér vöfflur í boði skólans. Svo var spurningakeppni í Þróttó þar sem að Húsvíkingar fóru með sigur af hólmi. Í lokin fóru flestir í feluleik í gamla skóla og síðan kvöddu Húsvíkingar. Við þökkum Húsvíkingum kærlega fyrir komuna. 

(DR)

Myndir tók Birkir Þór Björnsson

Baneitrað samband á Njálsgötunni

Leikfélag Framhaldsskólans á Húsavík (FSH), Pýramus og Þispa hefur undanfarnar vikur æft í samvinnu við Framhaldsskólann á Laugum (FL) leikgerð úr skáldsögu Auðar Haralds Baneitrað samband á Njálsgötunni þar sem sögusviðið er árið 1984 í Reykjavík.  Nemendur beggja skólanna hafa unnið hörðum höndum að þessari uppsetningu í leikstjórn Jennýjar Láru Arnórsdóttur.

Leikritið fjallar um samband móður og sonar á Njálsgötunni og gengur á ýmsu í samskiptum þeirra.  Í aðalhlutverkum eru Daníel Þór Samúelsson (FL) og Kristný Ósk Geirsdóttir (FSH), auk þess skipa samnemendur þeirra aukahlutverk og aðra aðstoð við uppsetningu.

Skólameistari (FL) ásamt kennurum, starfsfólki og nemendum fóru á sýninguna sl. þriðjudagskvöld, sem var jafnframt þriðja sýning og vakti hún mikla ánægju. Leikarar stóðu sig vel í alla staði og þökkum við fyrir góða kvöldskemmtun sem óhætt er að mæla með.

Í dag 16.nóvember, heimsótti fulltrúi okkur frá Bjargráði.

Í dag fengum við góða heimsókn í skólann. Það var hann Stefán Júlíus Aðalsteinsson fra Bjargráði sem hélt stuttan fyrirlestur um skyndihjálp. Bjargráður er félag læknanema í endurlífgun sem stofnað var árið 2013. Markmið félagsins er að heimsækja framhaldsskóla um allt land og kynna bæði endurlífgun og hvernig skuli ná aðskoðahlut úr hálsi. Þessi kynning var vel heppnuð og hafði hann orð a því að nemendur okkar hefðu góðan grunn í þessum fræðum og kynnu allflest aðalatriðin. Það er þó alveg nauðsynlegt að rifja þessi fræði upp reglulega svo hægt sé að bregðast rétt við lendi menn í svona aðstæðum. (ÁG)

Við þökkum Stefáni kærlega fyrir komuna í Framhaldsskólann á Laugum!

Myndir frá árshátíð

Stjórn Nemandafélags FL efri röð : Guðrún,Júlíus,Broddi, Hafsteinn Neðri röð Guðrún, Eyþór formaður, Hrafnhildur.

Hlaðborðið

Gestir takast á við valkvíða veislufanga.

Veislustjórinn, enginn annar en drengurinn sem ólst upp í Reykjadal Vilhelm Anton Jónson

Gestir

Óliver ásamt Samúel, Guðmundi og Stefáni sem útskrifuðust síðasta vor.

Gunnhildur Skólameistarafrú og Sigurbjörn

Myndir tók Halldóra Kristín Bjarnadóttir.