Tölvumál

Hér eru leiðbeiningar fyrir nemendur, um notkun tölvukerfis skólans.

Fyrst af öllu er að fá úthlutaðan aðgang að tölvukerfinu. Það er gert með því að setja sig í samband við ritara skólans í síma 4646300 eða senda póst á netfangið ritari@laugar.is

Þráðlausa netið.
2 þráðlaus net birtast, annað heitir Laugar, og hitt heitir Laugar-Starfsmenn
“Laugar” er opið og ætlað nemendum til náms.
“Laugar-Starfsmenn” er læst og óheimilt með öllu að tengjast því, enda er það læst.

Nettenglar á á herbergjum heimavista eru sumir virkir, ekki allsstaðar, þessvegna höfum við byggt upp öflugt þráðlaust net. Þó er mælt með að tæki eins og “Apple TV” séu tengt við nettengla í vegg þar sem slíkt tæki valda miklu álagi á netkerfinu.

“Officepakkinn”, það er aðalega, Word, Excel, Powerpoint og Oulook, þú hefur aðgang að þessum forritum þér að kostnaðarlausu meðan þú ert við nám við skólann. Til að setja officepakkann upp á tölvuna þína er nauðsynlegt að þú farir inn á þessa slóð og veljir install og fylgir leiðbeiningum sem koma upp á skjáinn. https://portal.office.com/OLS/MySoftware.aspx

“Microsoft Teams”
Hér er hægt að hala niður forritinu Microsoft Teams: https://teams.microsoft.com/downloads
Teams er í boði fyrir Windows (algengast, venjulegar pc tölvur), Mac (Apple tölvur), iOS (iPhone símar og iPad), Android (Samsung símar) og Windows síma. Það er áríðandi að nemendur setji þetta forrit upp hjá sér bæði í tölvur og síma, hafi þeir undir höndum slíkan búnað. Microsoft Teams heldur utan um upplýsingastreymi stofnunarinnar. Þar eru spjallþræðir og sameiginlegar skjalageymslur svo og sameiginlegt dagatöl. Einnig fer fram í einhverjum tilfellum fjarkennsla í gegnum Microsoft Teams. Microsoft Teams hefur verið að ryðja sér rúms sem arftaki Skype.

“Moodle”
Vefsíðan https://moodle.laugar.is/ er í daglegu tali kölluð “Moodle”. Þetta er kennsluvefur sem nemendur nota til að vinna verkefni frá kennurum. Sami aðgangur og fyrir tölvupóstinn er notaður inn í Moodle. Þó ert eitt sem þarf að athuga, einungis fyrri hluti netfangsins er notað sem notandanafn, en sama lykilorð. Það þýðir að ef jon12@laugar.is ætlar að skrá sig inn í Moodle, þá skrifar hann jon12 sem notandanafn, ekki jon12@laugar.is eins og þegar þú skráðir þig hér inn í tölvupóstinn.

“Onedrive” og “Office365 skýið á postur.laugar.is”
Onedrive er skjalavistunarkerfi skólans. Skólinn vistar gögn og tölvupóst í “skýi” erlendis í gegnum þjónustu hjá Microsoft. Sú þjónusta er kölluð Office365 og í daglegu tali nefnt “skýið”. Slóðin inn á skýið  í heild sinni er http://postur.laugar.is/ Þar kemst þú í gögnin þín í “Onedrive”, og póstinn þinn í “mail” en þú getur einnig verið með póstinn uppsettann í Outlook á tölvunni eftir að þú setur upp Officepakkann. Það er mjög mikilvægt að setja upp officepakkann, vegna þess að annars er hætta á að þú farir að nota mjög takmarkaðar útgáfur af word og excel í skýinu sem kallast “Word online” og “Excel online”. Það er mikilvægt að setja upp officepakkann strax í upphafi annar.

Inna.is
Innan er ótengd þessu, semsagt ekki tengd við Office 365 (postur.laugar.is) og Moodle. Þegar nýjir notendur eru stofnaðir er reynt að nota sama lykilorð fyrir Innu, en notandanafnið í Innu er alltaf kennitala notanda. Auðveldast er að hafa aðgang að Innu með Íslykili. Til að skrá sig inn á Innu með Íslykli er farið á eftirfarandi slóð: https://innskraning.island.is/?id=r.inna.is Ef notandi á ekki Íslykil, smellir hann á “Mig vantar íslykil” á síðunni.

Internettenging skólans er takmörkuð við 500Mbit/s ljósleiðaratengingu sem er ætluð til náms. Mikilvægt er að þú kynnir þér tölvureglur skólans neðst á eftirfarandi vefsíðu: Reglur

Tæki eins og Apple TV, Cromecast og hugbúnaður til streymis afþreygingarefnis (Netflix ofl.)” veldur mjög miklu álagi á netkerfið, ekki einungis á Internettenginguna, heldur á þráðlausu sendana sem eru í kennslubyggingum og heimavistum. Best er er að tengja td. Apple TV við veggtengla heldur en að nota slíkt tæki á þráðlausu neti. Við verðum að reyna eftir fremsta megni að stilla niðurhali í hóf svo netkerfi skólans sé í stakk búið til að virka til náms. Lokað er á uTorrent og bittorrent tæknin ekki leyfð þar sem slíkt veldur of miklu álagi á netbúnaðinn. Töluvert af “portum” hefur verið opnað fyrir tölvuleiki en beiðnir um slíkt þurfa að berast mér á netfangið kristinn@laugar.is og metið hverju sinni hvort hægt sé að verða við því.

Prentarar.
Tveir prentarar eru í boði fyrir nemendur. Báðir eru staðsettir í Gamla skóla.
Prentarinn fyrir framan “Bláu deild” prentar úr í svarthvítu og er aðalprentari nemenda.

Prentarinn á skrifstofu ritara er litaprentari og ljósritunarvél, og skal aðeins nota þegar nauðsynlegt er að prenta í lit. Eingöngu er heimilt að nota prentarana til náms. Vinsamlegast gerðu ritara viðvart ef prentari er pappírslaus eða aðrar villumeldingar hamla prentun.

– Hvernig á að setja upp prentara skólans í Windows tölvu?
Það er auðvelt að setja upp nemendaprentarann sem að er á ganginum í Gamla skóla, fyrir framan Bláu deild. Hér eru leiðbeiningar fyrir Windows tölvur.

Fyrir Apple tölvur er þetta örlítið meira mál og best að leita til kerfisstjóra til að fá aðstoð við uppsetninguna.
Notendur með Apple/Mac þurfa að passa að tölvan sé uppfærð  í nýjustu tegund stýrikerfis frá Apple, og að prentrekill frá Lexmark sé uppsettur í tölvunni, og þá er hægt að bæta við prentaranum. Hann hefur iptöluna 10.0.1.75 Smella hér til að hlaða niður Lexmark prentrekil fyrir Apple tölvur.

Það er aðeins meira mál að setja upp litaprentarann sem að er á skrifstofu ritara í Gamla skóla.  Litaprentarinn á skrifstofu ritara (Canon iR-ADV C3325) hefur iptöluna 10.0.1.78 og prentrekla má nálgast hér.

Vírusvarnir.
Ég vil hvetja nemendur til að huga að vírusvörnum og persónuleg reynsla mín er mjög góð af vírsvörninni Malwarebytes.  Slóðin er www.malwarebytes.org
Ég vil ennfremur hvetja nemendur til að uppfæra tölvurnar sýnar reglulega og fylgjast með að uppfærslur séu inni. Þetta á ekki síður við um allar tegundir af Apple (Mac) tölvum. Leiðbeiningar fyrir Apple hér: https://support.apple.com/en-us/HT201541

Ef þú þarft á hjálp hvað varðar tölvukerfið er best að senda mér póst á netfangið kristinn@laugar.is og láta símanúmer fylgja.
Einnig er hægt að leita til ritara skólans sem getur svarað mörgum spurningum hvað varðar tölvukerfið ef það næst ekki í mig. Ritari skólans úthlutar aðgöngum inn í tölvukerfið, td. Innu.

Að endingu, um það bil 9 af hverjum 10 vandamálum sem leitað er til mín með, eru leyst með því að endurræsa tölvuna, þannig að það er yfirleitt best að byrja á því að endurræsa tölvuna áður en þú leitar aðstoðar með hana. Einnig er áríðandi að slökkva algerlega á tölvum á nóttunni (shut down), vegna þess að ef þær fara í dvala/svefn og ekki valið “shut down”, þá verða þær mjög hægar með tímanum.

Kristinn Ingi Pétursson, kerfisstjóri
netfang: kristinn@laugar.is

Norðurljós á Laugum árið 2016

Mynd: Kristinn Ingi Pétursson