Nemendur höfðu sigur í bráðabana

Image

Miðvikudagsmótaröðin hófst á nýjan leik í vikunni. Um er að ræða örkeppni milli starfsmanna og nemenda í ýmsum íþróttum og leikjum. Í fyrstu keppninni öttu liðin kappi í hreyfiveggnum þar sem spilaður var tennis. Skemmst er frá því að segja að nemendur höfðu sigur í bráðabana í æsispennandi einvígi og hafa þar með tekið forystuna í keppninni þessa önnina. Næstu 4 skólavikur munu liðin etja kappi og það lið sem vinnur fleiri einvígi hampar bikarnum, en nemendur stóðu einmitt uppi sem sigurvegarar á haustönninni. 
Deila