Fulltrúi FL í framkvæmdastjórn SÍF

Image

 Daníel Þór Samúelsson nemandi á íþróttabraut hlaut kosningu í framkvæmdastjórn SÍF á aðalþingi SÍF nú um síðastliðna helgi. Við á Laugum erum afar stolt af Daníel og ánægð með að skólinn eigi fulltrúa í framkvæmdastjórninni. Við óskum Daníel og SÍF alls hins besta á komandi vetri og erum spennt fyrir samstarfinu.

Skólasetning 26. ágúst 2018

Image

Framhaldsskólinn á Laugum verður settur 26. ágúst kl 18:00 í íþróttahúsi skólans.

Heimavistir opna kl 13:00 þann sama dag og geta nemendur þá flutt inn. Að skólasetningu lokinni verður viðstöddum boðið upp á kvöldverð í matsal skólans. Við vekjum athygli á skóladagatali skólans hér á síðunni. Þar eru námsmatsdagar 25. og 26. október og eru þá heimavistirnar lokaðar og ætlast til að allir fari til síns heima. Einnig vekjum við athygli á að bókalista haustannar má finna á heimasíðunni.

Brautskráning 2018

Image

Það var margt um manninn þann 19. maí síðastliðinn þegar Framhaldskólinn á Laugum útskrifaði stúdenta í 26. skipti.  Fjölskyldur og vinir útskriftarefna mættu ásamt útskriftar-afmælisárgöngum og þáðu kaffiveitingar að athöfn lokinni. Starfsmönnum voru veittar viðurkenningar og einnig fór fram þennan dag stofnfundur hollvinasamtakanna Vinir Laugaskóla.

Fjöldi nýstúdenta þetta árið voru 21. Erla Ingileif Harðardóttir frá Einarsstöðum í Reykjadal brautskráðist frá Framhaldsskólanum á Laugum með hæstu einkunn sem gefin hefur verið á stúdensprófi frá skólanum. Erla Ingileif dúxaði með einkunnina 9,51. Svo skemmtilega vill til að skólameistari FL Sigurbjörn Árni Arngrímsson, átti fram til þessa dags, einkunnametið sem hann setti við fyrstu brautskráningu nýstúdenta frá skólanum fyrir 25 árum síðan. Þá dúxaði Sigurbjörn Árni með einkunnina 9,50.

Aftari röð f.v.: Erla Ingileif Harðardóttir. Friðrik Þór Jónsson, Ottó Gunnarsson, Brynjar Steinn Stefánsson, Atli Björn Atlason, Jón Aðalsteinn Hermannsson, Björn Halldór Jónsson, Helgi Maríus Sigurðsson, Gabríel Ingimarsson, Björn Þór Guðmundsson, Fanney Sól Hreiðarsdóttir, Hugrún Birta Kristjánsdóttir, Rut Benediktsdóttir, Sigurbjörg Hulda Kristinsdóttir, Bergþóra Anna Stefánsdóttir, Snjólaug Ósk Björnsdóttir, Sigurbjörn Árni Arngrímsson skólameistari, Sigrún Harpa Baldursdóttir, Díana Hólm Gunnarsdóttir, Sonja Hólm Gunnarsdóttir, Fanný Ösp Hjálmarsdóttir, Lýdía Tómasdóttir

Arnór Benónýsson. Freydís Anna Arngrímsdóttir og Eva Björg Jónsdóttir hlutu viðurkenningu fyrir 20 ár í starfi

Kristján “kokkur” Guðmundsson, og Sverrir Haraldsson hlutu viðurkenningu fyrir 30 ár í starfi.

Brautskráning 2018

Image

Næstkomandi laugardag, þann 19. maí, útskrifar Framhaldskólinn á Laugum stúdenta í 26. skipti. Athöfnin fer fram með pompi og prakt í Íþróttahúsinu á Laugum og hefst kl 14:00.

Við bjóðum ykkur öll hjartanlega velkomin heim að Laugum til að gleðjast með okkur og þiggja kaffiveitingar að athöfn lokinni í matsal skólans. Eftir að kaffidrykkju er lokið þennan sama dag fer stofnfundur hollvinasamtakanna Vinir Laugaskóla fram í íþróttahúsinu kl 17:00. Allir velunnarar skólans eru hvattir til að mæta á þann fund.

Mynd frá brautskráningu 1993:

F.v.: Garðar Geirfinnsson, Sverrir Guðmundsson, Þórir S. Þórisson, Elín Dögg Methúsalemsdóttir, Þröstur Jón Sigurðsson, Sigurbjörn Árni Arngrímsson, Arnar Egilsson, Hannes Bjarnason, Hannes Hilmarsson skólameistari.

Styrkveitingar til Young Women in Public Affairs viðurkenningar

Image

Hugrún Birta tekur við verðlaunum hjá YMPA nefndinni á Akureyri.

Í nóvember 2017 barst skólameistara við Framhaldsskólann á Laugum beiðni um að tilnefna stúlku til Young Women in Public Affairs viðurkenningar. Samþykkt var að tilnefna Hugrúnu Birtu Kristjánsdóttur fyrir hennar framlag sem sjálfboðaliða við margs konar starfsemi, s.s. í stjórn nemendafélags í grunn-og framhaldsskóla, að sinna barna-og félagsstarfi á vegum kirkjunnar, við leiklist, tónlistarviðburði og fleira.

Í janúar 2018 var valið úr hópi fjölda stúlkna sem tilnefndar höfðu frá skólum og hlaut Hugrún Birta Hvatningarverðlaun Zonta 2018, til Young Women in Public Affairs styrkveitingar. Verðlaunin voru 25.000 krónur sem Hugrún tók við í apríl síðastliðnum. Umsókn hennar hefur einnig verið send erlendis í alþjóðlega samkeppni um stærri styrkveitingar (zonta.org). Við óskum Hugrúnu til hamingju með styrkveitinguna.

Vorkvöld við tjörnina

Image

Að loknum kvöldverði söfnuðust nemendur saman niður við tjörnina í kvöldsólinni og fögðuðu formlegum stjórnaskiptum nemendafélagsins. Það var kátína, vinátta og gleði sem einkenndu hópinn eins og endranær, vor í lofti og brátt útskrifast margir í þessum góða hópi. 

 

Stjórn NFL 2018-2019

 

Stjórn NFL 2017-2018

 

Myndband frá sumardeginum fyrsta

Image

Nemandi við skólann að nafni Brynjar Steinn Stefánsson, fangaði daginn í dag á nýju Sony myndavélina sína. Það er óhætt að segja að Brynjar hafi náð góðum tökum á öllu sem tengist myndbandavinnslu. Hér má sjá myndband sem Brynjar skellti saman um leið og dagskrá lauk í Íþróttahúsinu í dag:

 

Nú liggur leiðin að Laugum!

Image

Á sumardaginn fyrsta þann 19. apríl næstkomandi verður opið hús í íþróttahúsinu á Laugum frá kl. 13:00-16:00. Þar verður ýmislegt skemmtilegt og fróðlegt í boði fyrir alla aldurshópa.

  • Nemendur og starfsfólk FL munu kynna það fjölbreytta starf sem unnið er í skólanum.
  • Einnig munu vöruframleiðendur og listamenn úr nærsamfélagi okkar verða með kynningar og sölubása.
  • Leikir og þrautir fyrir yngstu kynslóðina verða í boði nemenda FL og lifandi tónlist – skólahljómsveit og söngvarar.
  • Gamli húsmæðraskólinn á Laugum verður opinn og gestir leiddir um húsið og Kórinn Sálubót kemur og tekur nokkur lög.
  • Nemendur FL verða með hesta og teyma undir þeim sem vilja fara á bak.
  • Kaffihúsastemming með vöfflum og tilheyrandi verður í boði Framhaldsskólans.
  • Sundlaugin verður opin – frítt fyrir alla.

Sjáumst sem flest og fögnum sumri saman!

Nemendur og starfsfólk Framhaldsskólans á Laugum.

Tónkvíslin 2018! – 17. mars á Laugum

Image

Næstkomandi laugardagskvöld fer fram Tónkvíslin, söngkeppni Framhaldsskólans á Laugum. Við hvetjum unga sem aldna að koma njóta kvöldsins með okkur í íþróttahúsinu á Laugum. Þetta er upplagt tækifæri fyrir útskrifaða og “gamla” nemendur að heimsækja gamla skólann sinn og sjá afrakstur þrotlausar vinnu nemenda við að skipuleggja og koma í framkvæmd einum stæsta tónlistarviðburði sem haldinn er Norðurlandi. Miða er hægt að kaupa tvennan hátt, annarsvegar með því að hafa samband á netfangið tonkvislin@laugar.is og hinsvegar er hægt að kaupa miða beint hér og prenta hann út sjálf: https://tix.is/is/event/5711/tonkvislin-2018/
Einnig er hægt að kaupa miða við dyr en við mælum með því að búið sé að kaupa miða fyrir kvöldið til að forðast biðröð. Endilega deilið þessum tíðindum! 🙂

Almennt miðaverð: Kr. 3000
Börn 6 – 15 ára Kr. 2000
Frítt fyrir börn undir 6 ára

Vika í Tónkvíslina

Miðasala fyrir Tónkvíslina er enn í fullum gangi á tix.is! Tuttugu glæsileg atriði og Helgi Björnsson í hléi dómnefndar 🤩 Klárlega viðburður sem enginn vill missa af.Miðaverð á þennan glæsilega menningarviðburð aðeins 3.000 kr! 🎟️https://tix.is/is/event/5711/tonkvislin-2018/

Posted by Tónkvíslin on 11. mars 2018